II Kor 8:7 - Sơ̆p Hlabơar Nơ̆r 'Bok Kei-Dei

⁷ Iĕm hơgei tôm tơdrong boih, mă tơdrong lui, mă tơdrong bơtho, tơdrong hlôh wao tơdrong 'Bok Kei-Dei, jơhngơ̆m iĕm hưch hanh băt kơ 'maih adrin jang tơdrong 'Bok Kei-Dei păng băt 'mêm kơ nhôn. Na dang ei inh tơchĕng iĕm kư̆m wă tơgŭm lu bơngai dơnuh mơ̆n rŏ lăng.

II Kor 8:7 ပူးပေါင်းရင်းမြစ်များ

Mathiơ 25:22

Bơngai mă iŏk 'bar hlak jên yŏng sư noh kư̆m pơma lei-lăi khan: ‘Ơ 'bok, sơ̆ inh iŏk 'bar hlak jên ih, inh năm mơdro sa đei lơi 'bar hlak dơ̆ng, inh ăn pơđĭ hloi kơ ih.’

Rom 15:14

Ơ 'nhŏng oh bơngai Rôm, inh băt mơ̆n iĕm đei đon lui tơpăt na iĕm băt tơgŭm dih băl păng inh băt kơ iĕm hlôh tôm tơdrong 'Bok Kei-Dei na gơh bơtho dih băl tơduă iĕm.

I Kor 1:5

Yua kơ đơ̆ng tơdrong iĕm lui na iĕm jing băt tôm tơdrong, iĕm hơgei kơ bơtho, iĕm kư̆m hlôh tơdrong Sư mơ̆n.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Kor 13:8

Bơngai bu 'mêm kơ 'Bok Kei-Dei hăm bôl buăl sư, sư 'mêm tơpă ling-lang ưh kơ layơ tôch. Mă-lei gah tơdrong pơtruh nơ̆r 'Bok Kei-Dei, ning-mônh gô tôch, yua kơ dang ei 'Bok Kei-Dei ăn lu bơngai pơtruh nơ̆r Sư, mă-lei ning-mônh ưh pă kăl boih. Ahrei âu Sư ăn kơ lu mơ'nah gơh pơma nơ̆r hlĭch mă đe ưh kơ hlôh wă ư-ang kơ 'Bok Kei-Dei, mă-lei ning-mônh ưh pă yua boih. Dang ei ahrei âu Sư ăn kơ lu mơ'nah gơh hlôh wao tơdrong Sư nhên wă kơ gơh bơtho đe, mă-lei ning-mônh ưh pă kăl boih.

I Kor 14:12

Yua kơ thoi noh na inh wă khan kơ iĕm thoi âu: Iĕm wă tơpă mơ̆n kơ Yang Bơhngol 'Lơ̆ng tơgŭm iĕm hơgei tôm tơdrong, mă-lei iĕm athei apinh tơdrong hơgei gơh tơgŭm kơ bơ̆n bơngai lui.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

II Kor 7:7

Ưh kơ sĭ nhôn hiôk yua kơ Tĭt truh tơ nhôn đĕch ôh. Nhôn hiôk yua kơ sư roi kơ nhôn tơdrong iĕm pơma dơnuh hăm sư hiôk hơiă chang nhôn dah truh tơ iĕm dơ̆ng. Inh kơtơ̆ng iĕm sơ'ngon yua kơ tơdrong iĕm pơm yoch, 'maih kiơ̆ tơdrong inh bơtho noh, inh hiôk rai dêh.

II Kor 8:6

Na tơdrong ra jên tơmam tơ pơlei iĕm noh, nhôn jao kơ Tĭt jang khŏm khŏm yua kơ sơ̆ sư đêl jang tơdrong noh boih.

II Kor 9:14

Lu sư gô krao khan kơ 'Bok Kei-Dei tơgŭm iĕm păng lu sư 'mêm kơ iĕm tơpă, yua kơ lu sư 'bôh tơdrong 'lơ̆ng 'Bok Kei-Dei ăn kơ iĕm.

II Kor 9:8

'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

Tơdrông Tơ'bôh 3:17

Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.