II Kor 8:3 - Sơ̆p Hlabơar Nơ̆r 'Bok Kei-Dei

³ Inh khan tơpă, lu sư ra jên ra tơmam kiơ̆ kơ lu sư đei, phŏ lu sư kư̆m ăn hloh kơ lu sư đei. Mă-lei tơdrong noh ưh kơ sĭ kơ nhôn pơgŏ ôh, lu sư lăp đon kơdih.

II Kor 8:3 ပူးပေါင်းရင်းမြစ်များ

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 35:5

Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Markôs 14:8

Duch âu pơm tôch tơdrong sư 'mêm păng sư gơh pơm. Sư tuh đak pơgang 'bâu phu tơ akâu Inh hơdrol kơ đe wă 'bŭ Inh thoi đe juăt kơ pơm hơdrol kơ 'bŭ bơngai lôch.

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

Galati 4:15

Inh lăng iĕm chơt hiôk tơpă kơplah inh bơtho iĕm sơ̆. Na lơliơ dang ei iĕm ưh kơ wă kơ inh dơ̆ng? Sơ̆ iĕm 'mêm kơ inh dêh, iĕm 'mêm kơ inh dang wă kuek klong măt iĕm tah tơ klong măt inh.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Kôlôsê 4:13

Inh roi kơ iĕm tơpăt, sư bơngai jang dêh, sư jang wă tơgŭm iĕm, tơgŭm lu bơngai lui tơ pơlei Laodisê hăm Pơlei Hêrơ.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

Phil 1:14

Mă-lei inh ưh kơ wă pơgŏ ih athei ih ăn kơ Ônêsim oei tơ âu khŏm khŏm wă bơ̆jang kơ inh ôh. Dah inh pơgŏ ih, na ih kư̆ kơ pơm kiơ̆ yua kơ ih lui yom kơ inh pơgŏ ih đĕch 'noh. Dah inh ưh kơ pơgŏ ih dah wơh ih, na ih tơdŏng hloi tơdrong jang inh, 'noh inh băt kơ ih đei đon 'mêm mơnat kơ inh tơpă, na ih tơdŏng.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.