II Kor 8:23 - Sơ̆p Hlabơar Nơ̆r 'Bok Kei-Dei

²³ Âu roi gah Tĭt iĕm băt boih, sư 'nhŏng oh bơ̆n jang hơdai hăm inh đơ̆ng sơ̆ boih; na dang ei sư wă tơgŭm wei-lăng iĕm dơ̆ng. Gah 'bar 'nu 'nhŏng oh mă kiơ̆ sư, noh đơ̆ng lu bơngai lui rim hnam 'Bok Kei-Dei rơih bre sư jang tang lu sư, bre sư bơngai pơư pơang anăn Kră Yang Yêsu Krist.

II Kor 8:23 ပူးပေါင်းရင်းမြစ်များ

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Luka 5:7

Na bre ei kuơch krao hloi 'bar 'nu bôl sư đêl hơdai sư thŏng-nan mă 'bar ei năm tơgŭm sư. Na bre sư năm hloi. Na đĭ-đăng kơ lu sư hiŏng atŏk hloi ka ei tuh tơ 'bar tŏ thŏng-nan ei, mlưi mah wă 'bĕnh tôm, thŏng-nan kư̆m mah wă krăm hloi.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

I Kor 11:7

Kơplah oei akŭm, drŏ-nglo ưh kơ gơh yơ̆l kiơ ôh yua kơ drŏ-nglo sư hơbŏ thoi 'Bok Kei-Dei. 'Bok Kei-Dei pơjing bơngai drŏ-nglo sư ăn pơgơ̆r lăm tôm tơdrong. Gah bơngai drŏ-kăn 'Bok Kei-Dei pơjao ăn pơm iĕ 'biơ̆ păng chu yom kơ drŏ-nglo pơgơ̆r sư.

II Kor 12:18

Inh wơh Tĭt hăm minh 'nu 'nhŏng oh bơ̆n năm tơ iĕm ki, Tĭt hăm đei pơhlŭ iŏk tơmam iĕm? Ưh ôh, yua kơ nhi bơ̆jang minh jơhngơ̆m minh đon hơdai.

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

II Kor 8:18

Nhôn kư̆m wơh 'bar 'nu 'nhŏng oh bơ̆n bơngai lui kiơ̆ Tĭt, minh 'nu đĭ-đăng bơngai lui rim hnam 'Bok Kei-Dei ư-ang sư bơtho tơdrong 'Bok Kei-Dei pran dêh.

II Kor 8:19

Mă ưh kơ sĭ kơ tơdrong noh đĕch, sư âu đơ̆ng rim hnam 'Bok Kei-Dei rơih wă kiơ̆ nhôn chĕp ba jên đơ̆ng iĕm đơ̆ng đe ra. Tơdrong ra jên noh wă pơư pơang anăn Kră Yang păng wă kơ đe băt kơ bơ̆n bơngai lăp đon kơ tơgŭm đe tơpă.

II Kor 8:22

Minh 'nu 'nhŏng oh âu dơ̆ng inh kư̆m wơh sư kiơ̆ Tĭt, inh pơlong lăng sư lơ tơdrong boih, na inh băt kơ sư adrin adran jang tơdrong 'Bok Kei-Dei tơpă. Na dang ei sư băt kơ iĕm wă adrin pơjing tơdrong noh, sư rai 'maih adrin loi.

II Kor 8:6

Na tơdrong ra jên tơmam tơ pơlei iĕm noh, nhôn jao kơ Tĭt jang khŏm khŏm yua kơ sơ̆ sư đêl jang tơdrong noh boih.

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Kôlôsê 1:7

Iĕm kơtơ̆ng tơdrong noh đơ̆ng Êpapra bơtho iĕm sơ̆, tơdrong sư bơtho trŏ tơpă. Sư bơngai jang tơdrong Yêsu Krist hăm nhôn, nhôn 'mêm kơ sư tơpă; sư jang tang inh oei hơdai hăm iĕm tơ noh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

Phil 1:17

Inh buăl ih kư̆m jang tơdrong 'Bok Kei-Dei mơ̆n na dang ei inh wă kơ ih sơng iŏk Ônêsim hŏ, 'noh kư̆m thoi ih sơng iŏk inh mơ̆n.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.