II Kor 8:16 - Sơ̆p Hlabơar Nơ̆r 'Bok Kei-Dei

¹⁶ Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

II Kor 8:16 ပူးပေါင်းရင်းမြစ်များ

II Ho 31:8

Wă Hesekia păng lu yŏng pơgơ̆r truh, 'bôh lu pôi noh na bơnê ư-ang kơ Kră Yang păng kon pơlei Isơrael.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Ne 2:12

Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

Je 31:31

Kră Yang khan: “Khei 'năr gô truh, kơplah noh Inh gô pơgơ̆p 'nao hăm lu bơngai Isơrael păng lu adrĕch Juđa.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

II Kor 7:12

Mă-lei kơthơ noh ưh kơ sĭ kơ inh chih kơdrô̆ tơdrong bơngai mă yoch hăm bơngai mă pŭ tơdrong pơ'brơh noh ôh; inh kư̆m chih wă tơ'blŏk kơ iĕm tơdrong iĕm 'maih kiơ̆ nhôn tơpă mă đơ̆ng sơ̆ khơ̆ dang ei, tơdrong noh 'Bok Kei-Dei kư̆m băt.

II Kor 7:7

Ưh kơ sĭ nhôn hiôk yua kơ Tĭt truh tơ nhôn đĕch ôh. Nhôn hiôk yua kơ sư roi kơ nhôn tơdrong iĕm pơma dơnuh hăm sư hiôk hơiă chang nhôn dah truh tơ iĕm dơ̆ng. Inh kơtơ̆ng iĕm sơ'ngon yua kơ tơdrong iĕm pơm yoch, 'maih kiơ̆ tơdrong inh bơtho noh, inh hiôk rai dêh.

II Kor 8:23

Âu roi gah Tĭt iĕm băt boih, sư 'nhŏng oh bơ̆n jang hơdai hăm inh đơ̆ng sơ̆ boih; na dang ei sư wă tơgŭm wei-lăng iĕm dơ̆ng. Gah 'bar 'nu 'nhŏng oh mă kiơ̆ sư, noh đơ̆ng lu bơngai lui rim hnam 'Bok Kei-Dei rơih bre sư jang tang lu sư, bre sư bơngai pơư pơang anăn Kră Yang Yêsu Krist.

II Kor 8:6

Na tơdrong ra jên tơmam tơ pơlei iĕm noh, nhôn jao kơ Tĭt jang khŏm khŏm yua kơ sơ̆ sư đêl jang tơdrong noh boih.

Philip 2:20

Lu buăl nhôn tơ âu ưh kơ đei bu 'mêm kơ iĕm dang Timôthê 'mêm kơ iĕm. Gah sư inh 'bôh sư 'mêm kơ iĕm tơpă, na inh 'bôh sư lăp đon kơ tơgŭm iĕm.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Tơdrông Tơ'bôh 17:17

Tơdrong lu sư blah bơngai drŏ-kăn noh 'Bok Kei-Dei lăp đon mơ̆n, yua kơ 'Bok Kei-Dei ăn kơ lu sư pơm pôm đon thoi noh, na lu sư pơjao ăn kơ sem mă kơnê̆ noh pơgơ̆r gô mơ̆ng kơ 'Bok Kei-Dei wă dang yơ.