II Kor 7:8 - Sơ̆p Hlabơar Nơ̆r 'Bok Kei-Dei

⁸ Kơthơ inh chih kơ iĕm hơdrol ki inh kư̆m hmach kơ chih 'biơ̆ mơ̆n, pơm kơ iĕm sơ'ngon; mă-lei inh tơchĕng dơ̆ng đơ̆ng rŏng huay kơ hmach ôh, tơdrong sơ'ngon pơm kơ iĕm minh yuh đĕch.

II Kor 7:8 ပူးပေါင်းရင်းမြစ်များ

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Yo 16:6

Iĕm sơ'ngon 'biơ̆ kơlih kơ Inh roi kơ iĕm gô đei tơdrong anat anot truh tơ iĕm.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

II Kor 7:11

'Bok Kei-Dei pơm kơ iĕm băt kơ sơ'ngon akâu kơdih, wă kơ iĕm hưch hanh pơm tơdrong 'lơ̆ng tơdrong tơpăt; tơdrong akâu kơdih đêl pơm, wă kơ tơbral hli huay pă pơm dơ̆ng; dang ei iĕm hăt kơ pơm tơdrong tơpăt, iĕm dang phak boih bơngai yoch, iĕm kư̆m wă kơ tơ'bơ̆p nhôn dơ̆ng; tôm tơdrong iĕm sek tơlang bơngai yoch noh 'lơ̆ng boih.

II Kor 7:12

Mă-lei kơthơ noh ưh kơ sĭ kơ inh chih kơdrô̆ tơdrong bơngai mă yoch hăm bơngai mă pŭ tơdrong pơ'brơh noh ôh; inh kư̆m chih wă tơ'blŏk kơ iĕm tơdrong iĕm 'maih kiơ̆ nhôn tơpă mă đơ̆ng sơ̆ khơ̆ dang ei, tơdrong noh 'Bok Kei-Dei kư̆m băt.

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

II Kor 7:7

Ưh kơ sĭ nhôn hiôk yua kơ Tĭt truh tơ nhôn đĕch ôh. Nhôn hiôk yua kơ sư roi kơ nhôn tơdrong iĕm pơma dơnuh hăm sư hiôk hơiă chang nhôn dah truh tơ iĕm dơ̆ng. Inh kơtơ̆ng iĕm sơ'ngon yua kơ tơdrong iĕm pơm yoch, 'maih kiơ̆ tơdrong inh bơtho noh, inh hiôk rai dêh.

II Kor 7:9

Mă inh hiôk ưh kơ sĭ yua kơ kơthơ noh pơm kơ iĕm sơ'ngon ôh; inh hiôk yua kơ iĕm tơbral kơdih tơdrong yoch. 'Bok Kei-Dei ăn kơ iĕm băt kơ sơ'ngon thoi noh, nhôn ưh kơ đei pơm kơ iĕm sơ'ngon minh tơdrong kiơ.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.