II Kor 7:5 - Sơ̆p Hlabơar Nơ̆r 'Bok Kei-Dei

⁵ Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.

II Kor 7:5 ပူးပေါင်းရင်းမြစ်များ

Bl 8:9

Mă-lei sem kơtơp păr chă lăng ưh tam đei teh hrĕng wă jruh, na sư păr brŏk tơ duk dơ̆ng, yua kơ đak oei jơ̆p-jang kơ teh. Nôê jrơng ti sư sơng iŏk sem kơtơp rôp tơmơ̆t lăm duk hơdai hăm sư.

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Êsai 33:12

Lu kon pơlei gô nhen thoi chŭr tơmo ŭnh sa, nhen jơla đe chong soh lăm ŭnh.”

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 45:3

Ih khan boih ‘răm-'băm kơ inh, yua kơ Kră Yang pơthim ăn kơ inh tơdrong sơ'ngon, tơdrong ơh inh; inh lap dêh yua kơ tơtok tơtăm pă đei pơdơh.’

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Jang 20:1

Đơ̆ng rŏng kơ tơdrong noh tôch boih, Pôl krao akŭm lu bơngai lui păng pơma pơlung lu sư wă kơ jơhngơ̆m lu sư chơt hiôk, kơlih kơ Pôl wă tơklah đơ̆ng lu sư năm tơ dêh char Masêđôn.

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

I Kor 15:31

Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.

I Kor 16:5

Đơ̆ng rŏng kơ inh năm tơ dêh Masêđôn, inh wă năm tơ iĕm, yua kơ inh wă năm tơ dêh Masêđôn hơdrol 'mơ̆i.

II Kor 2:13

Jơhngơ̆m inh ưh kơ hiôk ôh chang lăng 'nhŏng Tĭt đơ̆ng năm ba kơthơ tơ iĕm ki ưh kơ jah brŏk tơ inh. Inh pă kĕ gô sư boih 'maih dah kơtơ̆ng tơdrong iĕm thoi yơ, na inh achăng lê̆ 'nhŏng oh bơngai lui Pơlei Trôs năm hơloh hloi tơ dêh Masêđôn.

II Kor 2:3

Kơthơ mă inh chih kơ iĕm ki, inh kư̆m chih khan thoi noh. Inh ling-lang wă sơđơ̆ng ngêh kơ iĕm, hiôk hăm iĕm na inh kuă kơ năm ki, hli kơ inh sơ'ngon yua kơ iĕm ưh kơ hiôk kơ đơ̆ng inh pơma pơjĭ đon iĕm. Yua kơ inh bơngai hiơ̆ hăm iĕm, iĕm băt boih.

II Kor 2:9

Kơthơ inh chih kơ iĕm ki, athei iĕm bơtho khan kơ bơngai yoch noh, ưh kơ sĭ inh wă hil kơ sư ôh, inh chih wă pơlong lăng iĕm, wă kơ băt iĕm chu lăm dôm tơdrong.

Galati 4:11

Inh tơtăm kơ lu iĕm, hli kơ tơdrong jang inh tơgŭm iĕm mă ưh kơ đei yua.

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

I Tes 3:5

Yua kơ iĕm đei tơdrong đe areh kơ iĕm tơpă, na inh pă kĕ ĕnh, na wơh Timôthê năm tơ iĕm ki, wă kơ sư jet iĕm, wă kơ băt iĕm oei lui kơjăp kơ Kră Yang Yêsu dah ưh. Inh hli dêh kơ yang Satan pơhlŭ iĕm achăng lê̆ tơdrong lui bơ̆n. Yua kơ đêl nhôn mah bơtho gleh tơpă tă ưh kơ yua kiơ, inh 'mêm dêh.