II Kor 7:12 - Sơ̆p Hlabơar Nơ̆r 'Bok Kei-Dei

¹² Mă-lei kơthơ noh ưh kơ sĭ kơ inh chih kơdrô̆ tơdrong bơngai mă yoch hăm bơngai mă pŭ tơdrong pơ'brơh noh ôh; inh kư̆m chih wă tơ'blŏk kơ iĕm tơdrong iĕm 'maih kiơ̆ nhôn tơpă mă đơ̆ng sơ̆ khơ̆ dang ei, tơdrong noh 'Bok Kei-Dei kư̆m băt.

II Kor 7:12 ပူးပေါင်းရင်းမြစ်များ

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 11:28

Păng đon tơchĕng rim năr hli kơ lu bơngai lui đei tơdrong gleh kư̆m pha 'mơ̆i.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 2:9

Kơthơ inh chih kơ iĕm ki, athei iĕm bơtho khan kơ bơngai yoch noh, ưh kơ sĭ inh wă hil kơ sư ôh, inh chih wă pơlong lăng iĕm, wă kơ băt iĕm chu lăm dôm tơdrong.

II Kor 7:8

Kơthơ inh chih kơ iĕm hơdrol ki inh kư̆m hmach kơ chih 'biơ̆ mơ̆n, pơm kơ iĕm sơ'ngon; mă-lei inh tơchĕng dơ̆ng đơ̆ng rŏng huay kơ hmach ôh, tơdrong sơ'ngon pơm kơ iĕm minh yuh đĕch.

I Tim 3:5

Tơdah sư ưh kơ gơh pơgơ̆r hnam dơnŏ kon akăn sư, thoi yơ sư gơh wei-lăng kon 'Bok Kei-Dei lĕ?