II Kor 7:10 - Sơ̆p Hlabơar Nơ̆r 'Bok Kei-Dei

¹⁰ Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

II Kor 7:10 ပူးပေါင်းရင်းမြစ်များ

Bl 30:1

Rachel lăng 'bôh kơdih akâu ưh kơ đei pơjing kon hơ'lơ̆p ăn kơ Jakôp, na lăm jơhngơ̆m sư areh kơ mŏ sư Lêa, sư khan kơ Jakôp thoi âu: Ăn bĕ kơ inh đei hơ'lơ̆p, tơdah ưh, inh lôch.

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 13:4

Jônadap jet Amnôn: “Ơ kon pơtao, lơliơ rai đunh rai rơmơ̆n rơmok thoi noh? Hăm gơh roi ăn kơ inh?” Amnôn tơl: “Inh hưch kơ Tamar, oh drŏ-kăn Apsalôm, Apsalôm oh drŏ-nglo inh.”

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

I Pot 21:4

Ahap mơ̆t tơ lăm hnam jơhngơ̆m ưh kơ hiôk păng sơ'ngon dêh yua kơ nơ̆r Nabôt, bơngai Jêsreel; đei khan kơ pơtao: “Inh ưh kơ gơh ăn kơ ih ôh tơmam đơ̆ng lu 'bok kơdră inh. Ahap mơ̆t 'bĭch tơ giơng tep om ơh sơ'ngon ưh kơ sŏng sa.

Horiso 38:18

Inh gô roi tơdrong yoch inh, Inh ơh sơ'ngon, yua kơ tơdrong yoch inh.

Tơdrông Pơđơk 15:13

Jơhngơ̆m 'nă hal thar 'bôh muh măt chơt hiôk. Mă-lei đei jơhngơ̆m sơ'ngon pơm trăp kơ jơhngơ̆m đon.

Tơdrông Pơđơk 15:15

Đĭ-đăng năr lu bơngai pơmat-tat 'bôh thoi pơmat ngăl, Mă-lei đei jơhngơ̆m chơt hiôk lăng thoi et sa ling-lang.

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.

Tơdrông Pơđơk 18:14

Jơhngơ̆m hơđơ̆ng kĕ chơ̆n đơ̆ng jĭ jăn; Mă-lei tơdah đei hiong tơdrong hơmĕng liơ kĕ chơ̆n.

Bôk Bơthô 7:3

Ơh sơ'ngon 'lơ̆ng hloh kơ hiĕk chơt, yua kơ đơ̆ng sơ'ngon pơih kơ̆l 'ngok hơdah.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.

Jôna 3:8

mă-lei kon bơngai păng kon sem dơrong athei su 'bi. Rim 'nu athei adrin đĭ jơhngơ̆m krao apinh Kră Yang 'Bok Kei-Dei. Trŏ tơpă, rim 'nu athei achăng lê̆ trong kơnê̆, dah tơdrong kiơ mă pơm kơnê̆.

Jôna 4:9

Kră Yang 'Bok Kei-Dei khan kơ Jôna thoi âu: Ih hăm trŏ kơ hil blĕk yua kơ tơnơm hla hro 'nâu? Sư tơl: Inh blĕk 'nâu trŏ, inh blĕk trŏ kơ lôch.

Mathiơ 26:75

Pêtrôs 'blŏk hơdơ̆r hloi kơ tơdrong Yêsu khan kơ sư khan: “Hơdrol kơ iĕr ŏ, ih gô sơngah kơ Inh pêng 'măng.” Thoi noh na sư lĕch hmoi ơh kơdih sư.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

II Kor 7:9

Mă inh hiôk ưh kơ sĭ yua kơ kơthơ noh pơm kơ iĕm sơ'ngon ôh; inh hiôk yua kơ iĕm tơbral kơdih tơdrong yoch. 'Bok Kei-Dei ăn kơ iĕm băt kơ sơ'ngon thoi noh, nhôn ưh kơ đei pơm kơ iĕm sơ'ngon minh tơdrong kiơ.

Hêbrơ 12:17

Đơ̆ng rŏng iĕm kư̆m băt mơ̆n sư wă dơ̆ng ră, sư athei 'bă sư krao khan pơsĭt kơ 'Bok Kei-Dei ăn kơ sư jing kon kơdră dơ̆ng. Mă-lei 'bă sư ưh pă gơh boih, mă sư nhơ̆m hmoi lung 'bă sư dang yơ lap đĕch, ưh pă gơh tơwih băl boih, yua kơ 'nhŏng oh bre sư tơplih băl đang boih.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.