II Kor 6:9 - Sơ̆p Hlabơar Nơ̆r 'Bok Kei-Dei

⁹ Đe lăng nhôn thoi bơngai đe ưh kơ ang, mă-lei kư̆m đei bơngai băt kơ nhôn mơ̆n; đe lăng nhôn thoi lĕ kơ bơngai lôch boih, mă-lei nhôn oei arih arăi; đe tôn teh nhôn dêh, mă-lei nhôn huay kơ lôch.

II Kor 6:9 ပူးပေါင်းရင်းမြစ်များ

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 25:19

Lu sư jâu Pôl gah tơdrong lui lu sư đĕch. Lu sư pơjah hăm Pôl gah tơdrong minh 'nu bơngai lôch boih anăn Sư Yêsu. Pôl khan Sư oei arih.

Jang 25:26

Inh kư̆m wă chih tơ'bôh kơ 'bok pơtao tơm Rôm hla kơthơ mơ̆n, mă-lei inh ưh kơ băt chih khan kơ sư Pôl pơm tơdrong kơnê̆ kiơ. Ơ pơtao Agripa, inh athei lu linh chông ba sư tơ âu 'bơ̆t anăp ih, hăm 'bơ̆t anăp đĭ-đăng lu bơ̆n mơ̆n, wă kơ bơ̆n apinh pơma gah tơdrong sư, na ăn kơ bơ̆n wă mă băt gah lu đe wă jâu sư tơdrong kiơ.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

I Kor 15:31

Ơ 'nhŏng oh, inh wă roi tơbăt ăn kơ iĕm gah tơdrong đe wă pơrăm inh, na rim năr ưh kơ băt năr ayơ inh lôch, mă-lei inh hiôk tơpă lăm jơhngơ̆m inh yua kơ iĕm lui kơjăp kơ Kră Yang bơ̆n Yêsu Krist boih, na inh mah roi tơbăt ăn kơ iĕm thoi noh.

I Kor 4:9

Thoi inh chă tơchĕng, 'Bok Kei-Dei ăn kơ khŭl nhôn pơm jơ̆ng 'bang Yêsu lŭch hloh kơ đĭ-đăng bơngai, nhôn dang bơngai đe wă pơlôch đĕch; jơ̆p-jang kơ plĕnh teh, kon bơngai, linh jang 'lơ̆ng 'bôh đe pơm kơ nhôn thoi noh tơpă.

II Kor 11:6

Mă khan inh bơtho kơtul ưh kơ hơgei, mă-lei inh nhen mơn hlôh tơdrong 'Bok Kei-Dei tơpă, na inh đơ̆ng sơ̆ ling-lang bơtho iĕm thoi noh.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.