II Kor 6:16 - Sơ̆p Hlabơar Nơ̆r 'Bok Kei-Dei

¹⁶ Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

II Kor 6:16 ပူးပေါင်းရင်းမြစ်များ

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Le 20:3

Minh 'nu Inh đĕch, iĕm 'nĕ kơ đei lu yang nai.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 32:38

Lu sư gô jing kon pơlei pơla Inh păng Inh boih Kră Yang 'Bok Kei-Dei lu sư.

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 36:28

Lu iĕm gô oei tơ lăm teh đak mă Inh ăn kơ yă 'bok lu iĕm, lu iĕm jing kon pơlei pơla Inh, Inh jing Kră Yang 'Bok Kei-Dei lu iĕm.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Êsêkiên 43:9

Dang ei lu sư athei hŭt lê̆ tơdrong pơm pơyô kư̆ kă păng akâu lu pơtao lôch ataih đơ̆ng Inh, Inh gô oei hơdai lu sư ling-lang hlŏng hloi.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Hôsia 2:23

Inh gô rei pơtăm lu sư ăn kơ Inh lăm teh đak păng Inh gô 'mêm mơnat kơ lu bơngai âu mă Inh khan: “Lu sư bơngai mă Inh ưh kơ 'mêm mơnat.” Păng kơ lu bơngai mă Inh đei khan: Iĕm ưh kơ sĭ kon pơlei Inh. Inh gô khan: “Iĕm kon pơlei Inh.” Na lu sư gô tơl: “Ih boih Kră Yang 'Bok Kei-Dei nhôn.”

Lêwi 26:12

Inh gô oei tŏk-bŏk lu iĕm Inh gô jing Kră Yang 'Bok Kei-Dei lu iĕm păng lu iĕm gô jing kon pơlei pơla Inh.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Luka 5:36

Yêsu pơma pơtih gia gah tơdrong đêl lu sư jet noh hei thoi âu: “Kơbĭ bu 'maih hek che ao 'nao wă sĭt pơklĕp tơ ao so. Tơ̆ng đe pơm thoi noh lei sư pơrăm ao 'nao păng che 'nao mă đêl sư sĭt pơklĕp hăm che so noh ưh kơ layơ lei-lăi băl ôh.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

Rom 9:26

Mă tơ yơ yơ đe jô̆ lu sư khan ưh kơ trŏ kơ kon Inh, tơ noh đe gô jô̆ kơ lu sư kon Inh mơ̆n; yua kơ Inh Yang, 'Bă lu sư mă arih ling-lang.”

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

Êphêsô 2:20

Bơ̆n thoi đe pơtăm keh minh pôm hnam. Lu jơ̆ng 'bang Yêsu hăm lu bơngai pơtruh nơ̆r 'Bok Kei-Dei lu sư thoi lu jrăng pơtăm tŏk-bŏk, na Yêsu Sư thoi jrăng mum.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Êphêsô 3:17

Păng inh kư̆m apinh Yêsu Krist mơ̆t oei lăm jơhngơ̆m iĕm yua kơ iĕm lui kơ Sư. Păng inh apinh Sư ăn kơ iĕm đei đon 'mêm mơnat kơ bôl buăl lăm tôm tơdrong,

Both 5:7

Lu iĕm 'nĕ kơkuh kơ yang nai, 'nguaih kơ Inh.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

II Tim 1:14

Ih athei wei-lăng dôm tơdrong 'lơ̆ng 'Bok Kei-Dei ăn kơ ih. Yang Bơhngol 'Lơ̆ng oei păng bơ̆n, Sư gô tơgŭm wei-lăng tơdrong jang ih.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.