II Kor 6:13 - Sơ̆p Hlabơar Nơ̆r 'Bok Kei-Dei

¹³ Inh pơma kơ iĕm dang 'bă pơma kơ kon, inh 'mêm kơ iĕm tơpă, inh kư̆m wă kơ iĕm 'mêm kơ inh.

II Kor 6:13 ပူးပေါင်းရင်းမြစ်များ

Horiso 119:32

Inh gô kơdâu kiơ̆ trong Ih tơtă. Dah Ih pơih jơhngơ̆m inh să,

Horiso 81:10

Inh boih Kră Yang, 'Bok Kei-Dei iĕm, Inh Tơ'ngla dŏng pơklaih iĕm đơ̆ng dêh Êyiptơ. Ha bĕ 'bơ̆r iĕm mă să, Inh gô tah 'bĕnh.

Markôs 11:24

Kơlih kơ thoi noh na Inh khan kơ iĕm, mă tơdrong kiơ kiơ iĕm krao khan apinh 'Bok Kei-Dei dah iĕm lui tơpă kơ Sư gô ăn tơdrong iĕm apinh 'noh, lei iĕm gô đei tơpă.

Galati 4:12

Ơ lu 'nhŏng oh mă 'mêm, inh wă kơ lu iĕm thoi inh. Inh kư̆m lei-lăi thoi iĕm mơ̆n sơ̆. Inh ưh pă gơnang kơ tơdrong juăt kon bơngai, na lui hloi kơ Yêsu. Iĕm huay kơ pơm glăi hăm inh ôh sơ̆, mă-lei đei pơm glăi hăm Kră Yang boih.

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

I Tes 2:11

Nhôn mơnat đĭ-đăng kơ lu iĕm kư̆m dang 'bă bơ̆n kơdih mơnat kơ bơ̆n mơ̆n.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

III Yo 1:4

Ưh pă tơdrong kiơ mă hiôk hloh dang tơdrong âu: Inh kơtơ̆ng lu bơngai lui kơ 'Bok Kei-Dei đơ̆ng inh bơtho lu sư oei lui kơjăp khŏm khŏm.