II Kor 5:4 - Sơ̆p Hlabơar Nơ̆r 'Bok Kei-Dei

⁴ Nhôn hăt kơ jah đei akâu 'nao, yua kơ akâu so ưh kơ hiôk ôh pơmat-tat ling-lang; mă nhôn kư̆m ưh kơ sĭ kuă kơ akâu bơ̆n ôh, mă nhôn wă kơ jah đei akâu 'nao hrŭk pơđom hloi. 'Noh na nhôn đei akâu 'nao ling-lang hloi.

II Kor 5:4 ပူးပေါင်းရင်းမြစ်များ

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 38:12

Hnam inh đe yuih, pôk lê̆ ataih đơ̆ng inh, thoi đe pôk anih bơsŭn lu bơngai wei triu, inh lôm chăl arih inh nhen bơngai tanh brai. Kră Yang kăt lê̆ inh đơ̆ng hơtơ̆ng wai, Kră Yang pơtôch lê̆ tơdrong arih inh đơ̆ng kơ năr truh kơmăng!

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

I Kor 15:51

Na dang ei inh wă khan ăn kơ iĕm minh tơdrong hrĕp tam mă tơbăt kơ đe đơ̆ng sơ̆: Kon bơngai bơ̆n, 'Bok Kei-Dei ưh kơ ăn lôch đĭ ôh, đĭ-đăng kơ bơngai mă lôch mă oei arih tơplih hloi akâu 'nao. Kơđei kơ minh tơtĕp măt, lăp bơ̆n kơtơ̆ng đe hlôm keng năr tôch; đe hlôm na bơngai lôch iung arih hloi ưh pă đei ôm hach boih, na bơ̆n mă oei arih kư̆m tơplih hloi akâu 'nao mơ̆n.

II Kor 5:2

Nhôn oei đei akâu so, hmăng kơ dah plôh lê̆, 'maih jah đei akâu 'nao tơ plĕnh ti. Akâu 'nao thoi lĕ kơ bơ̆n hrŭk tơplih hơbĕn ao 'nao.

II Kor 5:3

Thoi noh na nhôn 'maih jah hrŭk iŏk akâu 'nao ei. Ưh kơ sĭ nhôn kuă kơ đei akâu ôh.

II Pet 1:13

Inh arih tơ ala teh âu dang yơ, inh bơtho tơ'blŏk kơ iĕm dang noh,