II Kor 5:19 - Sơ̆p Hlabơar Nơ̆r 'Bok Kei-Dei

¹⁹ 'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

II Kor 5:19 ပူးပေါင်းရင်းမြစ်များ

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Jo 9:16

Đei thoi noh ling-lang; kơ'năr đei hơmơ̆l gom Bơsŭn Anih Akŭm păng kơmăng hơmơ̆l noh thoi ŭnh.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 17:23

Inh pôm đon hăm lu sư păng ba pôm đon dih băl, wă kơ lu sư pôm đon tơduă lu sư mơ̆n; na lu bơngai ala teh âu băt kơ Ih wơh Inh tơpă păng lu bơngai ala teh gô băt kơ Ih 'mêm kơ lu bơngai pơhrăm păng Inh, noh kư̆m thoi Ih 'mêm kơ Inh mơ̆n.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

I Kor 13:5

sư ưh kơ pơ'lŏ, sư ưh kơ pơ'brơh kơ đe, sư mơ̆ng kơ đe, sư ưh kơ pơjah, jơhngơ̆m sư huay kơ 'bônh kơ blĕk. Bơngai bu 'mêm kơ 'Bok Kei-Dei hăm bôl buăl sư, sư ưh kơ lah jô̆ yo kơ đe pơm kơnê̆ kơ sư ôh,

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.