II Kor 5:1 - Sơ̆p Hlabơar Nơ̆r 'Bok Kei-Dei

¹ Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

II Kor 5:1 ပူးပေါင်းရင်းမြစ်များ

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Jop 30:22

Ih ăn kial pơđông lê̆ inh tơ ataih. Ih pơpuh pơđông lê̆ inh hăm kial hơbŭt.

Jop 4:19

Pơma kiơ kơ kon bơngai đơ̆ng teh lơ̆n. Pơjing đơ̆ng 'mui teh, trŏ kơ pơjuă bơhlơ̆r thoi mua kơmot.

Horiso 56:9

Năr inh krao apinh, lu ayăt kơ inh gô kơdŭn tơ rŏng; Inh băt kơ tơdrong 'nâu, Kră Yang 'Bok Kei-Dei oei hơdai inh.

Êsai 38:12

Hnam inh đe yuih, pôk lê̆ ataih đơ̆ng inh, thoi đe pôk anih bơsŭn lu bơngai wei triu, inh lôm chăl arih inh nhen bơngai tanh brai. Kră Yang kăt lê̆ inh đơ̆ng hơtơ̆ng wai, Kră Yang pơtôch lê̆ tơdrong arih inh đơ̆ng kơ năr truh kơmăng!

Markôs 14:58

“Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Jang 7:48

“Kră Yang 'Bok Kei-Dei ưh kơ wă oei ôh hnam kon bơngai pơm. 'Noh thoi bơngai pơtruh nơ̆r 'Bok Kei-Dei khan sơ̆:

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

II Kor 5:4

Nhôn hăt kơ jah đei akâu 'nao, yua kơ akâu so ưh kơ hiôk ôh pơmat-tat ling-lang; mă nhôn kư̆m ưh kơ sĭ kuă kơ akâu bơ̆n ôh, mă nhôn wă kơ jah đei akâu 'nao hrŭk pơđom hloi. 'Noh na nhôn đei akâu 'nao ling-lang hloi.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Hêbrơ 11:10

Ưh kơ sĭ sư chang gô 'Bok Kei-Dei ăn kơ sư teh đak âu đĕch ôh, sư kư̆m chang gô 'Bok Kei-Dei wă ăn kơ sư oei tơ Pơlei 'Lơ̆ng 'Bok Kei-Dei tơ plĕnh ti. Pơlei noh pơlei dơnơ̆ng ling-lang ưh kơ tôch.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

I Yo 3:19

Dah bơ̆n 'mêm mơnat kơ 'nhŏng oh bơ̆n hăm đĭ jơhngơ̆m đon bơ̆n, noh bơ̆n băt bơ̆n kiơ̆ tơdrong 'Bok Kei-Dei tơpă boih. Thoi noh na jơhngơ̆m bơ̆n huay pă hli kơ 'Bok Kei-Dei boih.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.