II Kor 4:9 - Sơ̆p Hlabơar Nơ̆r 'Bok Kei-Dei

⁹ Đe pơm kơnê̆ pơmat nhôn, mă-lei 'Bok Kei-Dei ưh kơ lê̆ nhôn; đe teh tơpơ̆k nhôn, nhôn kư̆m huay kơ răm.

II Kor 4:9 ပူးပေါင်းရင်းမြစ်များ

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Horiso 129:2

“Đơ̆ng kơplah inh oei 'lơ̆p lu sư ngăl pơjuă pơđep inh. Mă-lei ưh kơ jei lu sư ôh.

Horiso 22:1

Ơ Kră Yang 'Bok Kei-Dei! Kră Yang 'Bok Kei-Dei ơi! Liơ Ih achăng lê̆ inh? Yua kơ kiơ Ih dơ̆ng tơ ataih, Ưh kơ tơgŭm dŏng inh, ưh kơ mơ̆ng nơ̆r inh ôr krao?

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Tơdrông Pơđơk 24:16

Yua kơ bơngai tơpăt mă sư pơ̆k tơpơh wơ̆t ră, Mă-lei gô iung dơ̆ng; Mă-lei bơngai pơm kơnê̆ gô pơrăm hăm pơmat-tat.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Êsai 62:4

Đe ưh pă krao ih Kră Yang hŭt lê̆ dơ̆ng bơih dah ưh pă krao ih teh lê̆ bri juơ dơ̆ng bơih. Mă-lei đe gô krao ih Inh chơt hiôk hăm ih păng krao teh đak ih đei pơkong thoi ŭnh om bơih. Yua kơ Kră Yang chơt hiôk ih păng teh ih gô đei klo.

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.

Habakuk 3:17

Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Rom 8:35

Mă bơ̆n tơ'bơ̆p tơdrong kiơ kiơ, Yêsu Krist Sư wei-lăng bơ̆n, mă bơ̆n đei tơdrong truh pơmat, mă đe areh kơ bơ̆n, mă bơ̆n pơngot rơwĕt, mă bơ̆n bơngai dơnuh, mă bơ̆n đei tơdrong hli, mă đe năm blah bơ̆n, Yêsu Krist ưh kơ lê̆ bơ̆n ôh, Sư 'mêm kơ bơ̆n tơpă.

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”