II Kor 4:16 - Sơ̆p Hlabơar Nơ̆r 'Bok Kei-Dei

¹⁶ Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

II Kor 4:16 ပူးပေါင်းရင်းမြစ်များ

Horiso 119:81

Bơhngol inh rơdu rơmơ̆n chang gô tơdrong dŏng pơklaih đơ̆ng Ih. Mă-lei Inh hơmĕng kơ nơ̆r Ih.

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Êsai 40:29

Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Je 45:3

Ih khan boih ‘răm-'băm kơ inh, yua kơ Kră Yang pơthim ăn kơ inh tơdrong sơ'ngon, tơdrong ơh inh; inh lap dêh yua kơ tơtok tơtăm pă đei pơdơh.’

Luka 11:3

Apinh Ih ăn kơ nhôn đei sŏng sa mah rim năr.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Êphêsô 4:23

Thoi noh na iĕm athei tơplih jơhngơ̆m đon 'nao,

Kôlôsê 3:10

Bơ̆n jing bơngai 'nao boih, 'Bok Kei-Dei pơjing bơ̆n 'nao hơbŏ thoi Sư, ăn kơ bơ̆n rai đunh rai hơgei hlôh tôm tơdrong Sư.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.