II Kor 4:12 - Sơ̆p Hlabơar Nơ̆r 'Bok Kei-Dei

¹² Thoi noh boih tơdrong lôch, 'Bok Kei-Dei pơchĕp ăn kơ nhôn, tơdrong arih 'Bok Kei-Dei ăn kơ iĕm.

II Kor 4:12 ပူးပေါင်းရင်းမြစ်များ

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 13:9

Tơ̆ng iĕm lui kơjăp, nhôn kư̆m rơdu mơ̆n ưh kơ pơm kơtang ôh, nhôn rai 'nă hal kơ iĕm lui kơjăp. Thoi noh na dang ei nhôn krao khan apinh 'Bok Kei-Dei tơgŭm iĕm, wă kơ iĕm jing bơngai 'lơ̆ng tơpăt lăm tôm tơdrong.

II Kor 4:11

Nhôn arih tơ ala teh âu, đe nŏng kơ wă pơlôch yua kơ nhôn jang tơdrong Yêsu, noh dang akâu nhôn tơbăt kơ đe Yêsu oei arih, mă khan nhôn kon bơngai lôch.

II Kor 4:13

Nhôn kư̆m đei đon lui thoi 'bok mă chih lăm sơ̆p hla bơar 'Bok Kei-Dei sơ̆ sư khan thoi âu: “Yua kơ inh lui boih, thoi noh na inh pơma.” Na nhôn kư̆m lei-lăi, yua kơ nhôn lui na nhôn pơma bơtho đe.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Philip 2:30

Sư jĭ wă lôch yua kơ sư adrin jang tơdrong Yêsu Krist tang iĕm, yua kơ iĕm ataih ưh kơ gơh jang tơgŭm inh. Mă-lei sư ưh kơ hli kơ lôch ôh.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.