II Kor 4:10 - Sơ̆p Hlabơar Nơ̆r 'Bok Kei-Dei

¹⁰ Akâu nhôn chu iŏk tơdrong pơmat-tat, dang lôch thoi Yêsu sơ̆, noh dang akâu nhôn tơbăt kơ đe Yêsu oei arih.

II Kor 4:10 ပူးပေါင်းရင်းမြစ်များ

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

Rom 6:5

Yua kơ bơ̆n dang lôch hơdai păng Yêsu na 'Bok Kei-Dei ăn bơ̆n arih 'nao ahrei âu, thoi ăn kơ Yêsu iung arih sơ̆ mơ̆n.

Rom 6:8

Yua kơ bơ̆n dang lôch hơdai hăm Yêsu boih, na bơ̆n băt tơpă bơ̆n gô arih 'nao kiơ̆ thoi Sư mơ̆n, ưh pă layơ wă iŏk tơdrong so dơ̆ng.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

II Kor 1:5

Yua kơ bơ̆n chu iŏk tơdrong pơmat-tat thoi Yêsu Krist, na Sư pơlung bơ̆n, wă kơ bơ̆n huay kơ sơ'ngon.

II Kor 1:9

Nhôn tơchĕng gah lôch đĕch, mă-lei pơm huay huăi. Nhôn băt kơ tơdrong noh truh wă kơ nhôn huay kơ sơđơ̆ng kơ akâu kơdih, wă kơ nhôn gơnang kơ 'Bok Kei-Dei đĕch, yua kơ pôm Sư đĕch gơh tơiung arih kon bơngai.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.

II Kor 4:11

Nhôn arih tơ ala teh âu, đe nŏng kơ wă pơlôch yua kơ nhôn jang tơdrong Yêsu, noh dang akâu nhôn tơbăt kơ đe Yêsu oei arih, mă khan nhôn kon bơngai lôch.

Galati 6:17

Đơ̆ng âu tơ anăp, mă bu bu 'nĕ pă pơma khan inh ưh kơ trŏ kơ bơngai jơ̆ng 'bang Yêsu dah khan inh ưh kơ bơtho tơdrong Sư tơpă. Inh jơ̆ng 'bang Sư tơpă na inh gơh đei rơka đêl đe tôn teh inh âu.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

II Tim 2:11

Tơdrong âu sĭt tơpă: “Dah bơ̆n chu lôch kiơ̆ Yêsu, lei bơ̆n gô iung arih oei hơdai hăm Sư.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.