II Kor 3:7 - Sơ̆p Hlabơar Nơ̆r 'Bok Kei-Dei

⁷ Tơdrong pơkă noh sơ̆ chih tơ tơmo lat wă phak pơlôch lu bơngai ưh kơ chu. Na lăp Môis iŏk tơmo lat noh đơ̆ng 'Bok Kei-Dei sơ̆, muh măt Môis rang hơdah dêh, truh tơ lu bơngai Isơrael mah pă kĕ lăng muh măt sư, mă-lei muh măt Môis rai đunh ưh pă rang hơdah boih.

II Kor 3:7 ပူးပေါင်းရင်းမြစ်များ

Bl 3:21

Kră Yang 'Bok Kei-Dei iŏk akar sem brem pơm ao tai ăn kơ bre klo kăn Ađam hrŭk.

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.

Horiso 119:174

Ơ Kră Yang, inh hơpơi chang tơdrong dŏng pơklaih đơ̆ng Ih. Khôi juăt Ih mă inh hiôk tơpă.

Horiso 119:97

Inh 'mêm kơ khôi juăt Ih dêh! Prăt năr inh tơchĕng kơ khôi juăt noh.

Le 24:12

Kră Yang khan kơ Môis: Tŏk bĕ tơ Inh tơ kơpal kông păng gô tơ noh; Inh gô ăn kơ ih tơmo lat, chih răk khôi juăt păng nơ̆r tơtă wă bơtho kon pơlei pơla,

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:19

Lăp sư truh jê̆ anih kon pơlei, sư 'bôh kon rơmo, hăm lu bơngai oei yŭn suang. Môis 'blut ơh blĕk hloi, klaih kơ noh sư hơtat lê̆ gơ'bang pơgơ̆p noh đơ̆ng ti sư tơ jơ̆ng kông, gơ'bang noh pơchah hloi.

Le 34:1

Kră Yang khan kơ Môis: Ih athei traih tơmo pơm 'bar hlak gơ'bang nhen thoi gơ'bang adrol ki, đơ̆ng noh Inh gô chih 'bơ̆t gơ'bang noh, nơ̆r pơma thoi 'bơ̆t gơ'bang mă ih hơtat pơchah lê̆ noh ki.

Jang 6:15

Đĭ-đăng bơngai oei tơ hnam sek tơlang 'bloh pơchơ̆k kơ Êtien, 'bôh muh măt sư nhen lĕ muh măt linh jang 'lơ̆ng 'Bok Kei-Dei mơ̆n.

Rom 10:4

Đĭ-đăng bơngai athei gơnang kơ Yêsu đĕch, 'Bok Kei-Dei jô̆ jing bơngai 'lơ̆ng hăm Sư. Bơ̆n gơnang kơ Yêsu thoi noh ưh pă kăl kơ gơnang kơ akâu kơdih kiơ̆ tơdrong juăt 'Bok Kei-Dei pơkă dơ̆ng ôh.

Rom 4:15

Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 7:10

Mă-lei 'Bok Kei-Dei pơkă kơ bơ̆n tơdrong juăt noh sơ̆ wă kơ bơ̆n oei arih hiôk ră, mă-lei tơdrong juăt noh wă ăn kơ inh lôch.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

I Kor 13:10

Mă-lei ning-mônh đĭ-đăng kơ bơ̆n gô hlôh wao tôm tơdrong, thoi noh na bơ̆n ưh pă kăl kơ đe bơtho bơ̆n dơ̆ng.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

II Kor 3:8

Na bĭ tơdrong Yang Bơhngol 'Lơ̆ng tơgŭm bơ̆n dang ei ưh kơ 'lơ̆ng rŏ tih krưp hloh kơ noh ôh hă?

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:21

Mă 'Bok Kei-Dei pơkă tơdrong juăt Sư đơ̆ng rŏng noh sơ̆, Sư ưh kơ đei wă achăng lê̆ tơdrong Sư pơkă mă hơdrol khan wă tơgŭm bơ̆n ôh. Sơ̆ dah 'Bok Kei-Dei wă pơkă ăn kơ bơ̆n tơdrong juăt plơ̆ng nai, na bơ̆n kiơ̆ tơdrong juăt noh pran kơtang gơh kĕ pơm kiơ̆ tôm tơdrong 'blep trŏ thoi Sư wă, lei 'Bok Kei-Dei kư̆m jô̆ bơ̆n bơngai 'lơ̆ng tơpăt mơ̆n. Mă-lei sơ̆ 'Bok Kei-Dei ưh kơ ăn bơ̆n pơm kiơ̆ thoi noh ôh.

Both 4:13

Sư roi ăn kơ lu iĕm băt tơdrong Sư pơgơ̆p nơ̆r Sư tơtă wă kơ lu iĕm athei pơm kiơ̆, thoi mơjĭt nơ̆r tơtă, Sư chih tơ kơpal 'bar hlak tơmo lat.

Both 4:8

Hăm đei ưh adrĕch adrung tih ayơ đei lu nơ̆r tơtă păng khôi juăt 'lơ̆ng tơpăt thoi khôi juăt đĭ tơdrong juăt âu, mă inh pơdah 'bơ̆t anăp lu iĕm âu?

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Both 9:15

Inh hăt hot jur đơ̆ng kông, kông ŭnh oei sa; 'bar pah tơpang ti inh chĕp 'bar hlak tơmo lat tơdrong pơgơ̆p.

Hêbrơ 12:18

Tơ̆ng bơ̆n gơnang kơ Yêsu Krist tơpă, bơ̆n huay kơ hli kơ 'Bok Kei-Dei thoi lu bơngai Isơrael sơ̆ ôh. Lu bơngai Isơrael sơ̆ lu sư hli kơ 'Bok Kei-Dei pơm tơ'bôh kơ lu sư đei ŭnh pla tih tơ kông Sinai păng đei 'nhui găm măng mu đei kial hơbŭt.

Hêbrơ 3:3

Mă-lei gah Yêsu đe ư-ang hloh kơ Môis, yua kơ Sư tơ'ngla mă pơjing hnam dơnŏ noh. Gah Môis sư minh 'nu bơngai lơ̆m hnam noh đĕch.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.