II Kor 3:16 - Sơ̆p Hlabơar Nơ̆r 'Bok Kei-Dei

¹⁶ Mă-lei gah lu bơngai mă gơnang kơ Kră Yang Yêsu Krist, jơhngơ̆m đon lu sư ưh pă thoi kơlŭk lum khăn boih.

II Kor 3:16 ပူးပေါင်းရင်းမြစ်များ

Le 34:34

Kơplah Môis mơ̆t pơma dơnuh hăm Kră Yang sư pơih lê̆ che mă sư gom muh măt sư noh dĭng truh tơ sư lĕch. Păng roi ăn kơ kon pơlei pơla Isơrael dơ̆ng dôm nơ̆r mă Kră Yang đei pơkă khan boih kơ sư.

Êsai 25:7

Tơ kơpal kông âu, Sư gô pơrăm lê̆ che pĕng măt đĭ-đăng kon pơlei pơla păng che pĕng măt đĭ-đăng teh đak.

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Nhom 3:40

Bĕ bơ̆n lăng trong bơ̆n kơdih, na wih brŏk tơ Kră Yang.

Rom 11:23

Păng dah lu bơngai Isơrael lui kơ Sư dơ̆ng, Sư kư̆m gơh pơklop tơduă dơng Isơrael, ưh kơ anat ôh 'bônh đĕch.

II Kor 3:15

Tơpă, mă đơ̆ng sơ̆ khơ̆ dang ei rim kơ lu sư wă đŏk lăng dôm tơdrong Môis chih sơ̆, jơhngơ̆m đon lu sư dang lĕ kơ kơlŭk lum khăn.

Both 30:10

Tơdah lu iĕm chu pơm kiơ̆ Kră Yang 'Bok Kei-Dei iĕm wei răk nơ̆r tơtă tơdrong juăt mă sư đei chih lăm Sơ̆p hla bơar khôi juăt mă sư đei chih lăm Sơ̆p hla bơar khôi juăt 'nâu păng đĭ jơhngơ̆m đĭ bơhngol wih tơ Kră Yang 'Bok Kei-Dei iĕm.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.