II Kor 3:13 - Sơ̆p Hlabơar Nơ̆r 'Bok Kei-Dei

¹³ Môis iŏk khăn kơlŭk lum kuă ăn lu bơngai Isơrael 'bôh muh măt sư rai đunh ưh pă rang hơdah. Nhôn dang ei ưh kơ pơm thoi noh ôh. Nhôn bơtho tơbăt tôm hloi.

II Kor 3:13 ပူးပေါင်းရင်းမြစ်များ

Markôs 8:25

Yêsu 'măn ti tơ măt sư minh 'măng dơ̆ng. Bơngai ei lăng 'bloh, măt sư klaih hloi păng 'bôh tôm tơdrong hơdah nhên.

Rom 10:4

Đĭ-đăng bơngai athei gơnang kơ Yêsu đĕch, 'Bok Kei-Dei jô̆ jing bơngai 'lơ̆ng hăm Sư. Bơ̆n gơnang kơ Yêsu thoi noh ưh pă kăl kơ gơnang kơ akâu kơdih kiơ̆ tơdrong juăt 'Bok Kei-Dei pơkă dơ̆ng ôh.

II Kor 3:7

Tơdrong pơkă noh sơ̆ chih tơ tơmo lat wă phak pơlôch lu bơngai ưh kơ chu. Na lăp Môis iŏk tơmo lat noh đơ̆ng 'Bok Kei-Dei sơ̆, muh măt Môis rang hơdah dêh, truh tơ lu bơngai Isơrael mah pă kĕ lăng muh măt sư, mă-lei muh măt Môis rai đunh ưh pă rang hơdah boih.

Kôlôsê 2:17

Đe rok kiơ̆ dôm tơdrong giĕng noh sơ̆ yua kơ 'Bok Kei-Dei wă tơbăt ăn kơ bơ̆n 'Bok Krist gô jur tơ bơ̆n. Mă-lei dang ei 'Bok Krist đei jur boih, tơdrong giĕng noh ưh pă kăl dơ̆ng boih.