II Kor 2:1 - Sơ̆p Hlabơar Nơ̆r 'Bok Kei-Dei

¹ Kơlih kơ thoi noh na inh kuă kơ năm tơ iĕm ki, inh kuă hli kơ inh pơma pơjĭ đon iĕm, hli kơ iĕm sơ'ngon kơ inh thoi sơ̆.

II Kor 2:1 ပူးပေါင်းရင်းမြစ်များ

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Jang 15:2

Kơlih kơ lu sư bơtho thoi noh, na bre Pôl păng 'Barna'ba pơjah pơjăng tơpă păng lu sư. Na lu bơngai lui wă kơ bre Pôl păng 'Barna'ba păng 'bar pêng 'nu dơ̆ng đơ̆ng Pơlei Antiôs năm tơ Pơlei Jêrusalem wă tơ'bơ̆p lu jơ̆ng 'bang Yêsu păng lu kră wei-lăng bơngai lui, pơđâu păng sư gah tơdrong kăt akar noh.

Jang 15:37

Na 'Barna'ba khan: “Lei ba anhăk ba Markôs.”

I Kor 2:2

Kơplah noh sơ̆ inh bơtho iĕm gah tơdrong Yêsu đĕch păng gah tơdrong Sư lôch tơ 'long pơglang, ưh kơ đei tơdrong nai ôh.

I Kor 4:21

Na iĕm wă kơ inh năm tơ iĕm thoi yơ? Iĕm wă kơ inh năm thoi bơngai chĕp sơnguĕt dah wă kơ inh năm thoi lĕ bơngai iŏk tơdrong 'mêm mơnat dih băl đĕch?

I Kor 5:3

Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh tang măt Kră Yang Yêsu sek tơlang boih tơdrong bơngai mă pơm yoch 'noh.

II Kor 1:23

'Bok Kei-Dei wă kơ inh pơma tơpăt kơ tơdrong inh ưh kơ đei năm hơpong tơ pơlei iĕm noh, ưh kơ sĭ yua inh ôh, yua iĕm. Inh hli kơ mưh inh năm iĕm mơlâu, yua kơ mưh inh năm pă jor kơ inh pơma pơjĭ đon iĕm.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Kor 2:4

Kơplah inh chih kơ iĕm kơthơ ki, inh ơh sơ'ngon dêh, inh nhơ̆m hmoi ơh ăi minh 'nu, mă-lei ưh kơ sĭ inh wă kơ iĕm sơ'ngon hai ôh. Inh wă kơ iĕm băt kơ inh 'mêm kơ iĕm tơpă.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.