II Kor 13:6 - Sơ̆p Hlabơar Nơ̆r 'Bok Kei-Dei

⁶ Iĕm băt kơ Yêsu Krist oei hơdai iĕm, iĕm kư̆m băt kơ Yêsu Krist oei hơdai nhôn mơ̆n mă đơ̆ng nhôn bơtho iĕm sơ̆.

II Kor 13:6 ပူးပေါင်းရင်းမြစ်များ

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Kor 13:5

Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.

II Kor 13:7

Nhôn krao khan apinh 'Bok Kei-Dei tơgŭm iĕm huay kơ pơm yoch, na đe gô băt kơ nhôn gơh tơgŭm iĕm yua kơ Yêsu Krist oei hơdai nhôn. Mă-lei nhôn ưh kơ gan kăl kơ đe băt tơdrong noh ôh. Nhôn krao khan kơ Sư wă kơ Sư tơgŭm iĕm đĕch. Tơ̆ng iĕm pơm 'lơ̆ng, nhôn truh tơ noh, nhôn ưh pă kăl kơ bơtho iĕm boih păng nhôn kư̆m ưh pă kăl kơ tơbăt kơ iĕm nhôn jơ̆ng 'bang Yêsu Krist.