II Kor 13:13 - Sơ̆p Hlabơar Nơ̆r 'Bok Kei-Dei

^13-14 Đĭ-đăng kơ lu kon 'Bok Kei-Dei mă oei tơ nhôn kư̆m hơdai đei nơ̆r jet gia iĕm. Nhôn apinh Kră Yang Yêsu Krist, đon băt mơnat, wei-lăng iĕm lăm tôm tơdrong; 'Bok Kei-Dei Kră Yang mă 'mêm kơeng kơ bơ̆n, Sư gô tơgŭm iĕm ling-lang; Yang Bơhngol 'Lơ̆ng, Sư kư̆m oei hơdai hăm iĕm khŏm khŏm.

II Kor 13:13 ပူးပေါင်းရင်းမြစ်များ

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Rom 16:16

Đĭ-đăng kơ iĕm jing 'nhŏng oh lui kơ Yêsu Krist, na apinh iĕm sơng iŏk rôp băl ti wă kơ băt tơdrong 'mêm băl. Đĭ-đăng bơngai lui kơ Yêsu Krist rim kơ anih tă leng kơ jet gia iĕm ngăl.

Hêbrơ 13:24

Iĕm roi kơ lu kră wei-lăng iĕm păng đĭ kơ lu 'nhŏng oh kon 'Bok Kei-Dei hŏ, inh đei nơ̆r jet gia pơma dơnuh rơnguơ̆ ră kơ iĕm. Lu 'nhŏng oh bơ̆n bơngai Itali kư̆m hơdai pơtruh nơ̆r jet gia pơma dơnuh păng iĕm mơ̆n.

I Pet 5:13

Lu bơngai lui tơ Pơlei Babilôn nhôn, 'Bok Kei-Dei rơih iŏk lu sư thoi sư rơih lu iĕm mơ̆n, lu sư đei nơ̆r jet gia pơma dơnuh păng iĕm. Markôs sư dang kon inh, sư hơdai lei-lăi jet gia iĕm mơ̆n.

II Yo 1:13

Lu 'nhŏng oh bơngai lui đơ̆ng nhôn mă 'Bok Kei-Dei rơih boih, lu sư kư̆m đei nơ̆r jet gia pơma apơi rơnguơ̆ ră kơ iĕm mơ̆n.

III Yo 1:14

Kơlih kơ ưh pă đunh boih inh wă tơ'bơ̆p ih, na ba pơma dơnuh dih băl.