II Kor 12:6 - Sơ̆p Hlabơar Nơ̆r 'Bok Kei-Dei

⁶ Mă tơ̆ng inh pơang kơ iĕm tơdrong noh kơbĭ pơkiơ ră, yua kơ tơdrong tơpă, mă inh hli kơ đe ư-ang tơdrong bơngai noh 'bôh păng kơtơ̆ng, dang lĕ pơang akâu inh kơdih. Inh wă kơ đe 'bôh păng kơtơ̆ng dôm tơdrong bơngai noh hmă đĕch.

II Kor 12:6 ပူးပေါင်းရင်းမြစ်များ

Jop 24:25

Tơdah ưh kơ đei thoi ei bơngai bu jô̆ khan kơ inh pơma hơlĕnh. Păng pơdah nơ̆r inh tơdrong kơ đei.

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

II Kor 1:18

Ưh ôh. 'Bok Kei-Dei ling-lang pơm trŏ thoi Sư pơkă, na nhôn kư̆m lei-lăi. Dôm tơdrong nhôn pơkă nhôn athei pơm hloi; ưh kơ sĭ nhôn pơkă phŏ 'blep phŏ ưh. Ưh kơ thoi noh ôh.

II Kor 11:16

Inh wă tơbăt dơ̆ng kơ iĕm thoi âu: Iĕm 'nĕ tơchĕng khan inh bơngai kơhlôh tơpă, mă-lei dah iĕm wă jô̆ kơ inh pơm thoi bơngai kơhlôh kư̆m bưh mơ̆n wă kơ inh gơh pơang akâu thoi lu bơngai pơjăm inh noh 'biơ̆.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.

II Kor 7:14

Ki nhi Tĭt kư̆m pơma dơnuh gah tơdrong iĕm mơ̆n, mă inh pơma pơang iĕm inh huay kơ mơlâu ôh, inh pơma 'bơ̆t anăp sư yua kơ inh băt kơ iĕm gô pơm trŏ tơpă. Na 'blep trŏ thoi noh tơpă, noh kư̆m thoi tơdrong nhôn juăt kơ pơma kơ iĕm tơpăt ling-lang.