II Kor 12:21 - Sơ̆p Hlabơar Nơ̆r 'Bok Kei-Dei

²¹ Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

II Kor 12:21 ပူးပေါင်းရင်းမြစ်များ

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Esơra 9:3

Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Le 32:31

Thoi noh Môis wơ̆t dơ̆ng tơ Kră Yang păng khan: Ơ Kră Yang, lu kon pơlei pơla âu pơm bơih minh tơdrong glăi tih. Lu sư pơm rup yang hăm maih păng kơkuh.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

II Kor 10:6

Păng lăp nhôn truh tơ iĕm kơnh, bu ưh tam chu kơ nhôn, nhôn wă bơtho khan phak tơbral đon sư; dôm lu iĕm mă chu, huay boih.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

II Kor 13:2

Inh năm tơ iĕm 'măng mă 'bar ki, inh khan kơ lu bơngai pơm yoch hăm lu bơngai nai, mưh inh năm tơ iĕm pă 'măng 'bôh iĕm oei pơm yoch, inh ưh pă bơtho boih, inh tơlĕch lê̆ hloi; na mă inh oei krŭl đơ̆ng iĕm dang ei inh kư̆m khan kơ iĕm thoi noh mơ̆n.

II Kor 8:24

Thoi noh na iĕm athei ra mă tơpă na lu sư băt kơ iĕm 'mêm mơnat kơ bôl buăl bơngai lui tơpă; păng sư gô băt kơ nhôn ư-ang iĕm 'blep tơpă, đĭ-đăng bơngai lui jơ̆p kơ teh đak kư̆m wang băt.

Galati 5:19

Lu bơngai mă tơchĕng kiơ̆ kơ jơhngơ̆m đon sư kơdih, lu sư pơm tôm tơdrong thoi lu tơ ala âu: Sư ngôi pơyô kư̆ kă, sư ưh kơ gơh wei jơ̆ng ti kơdih;

Both 9:15

Inh hăt hot jur đơ̆ng kông, kông ŭnh oei sa; 'bar pah tơpang ti inh chĕp 'bar hlak tơmo lat tơdrong pơgơ̆p.

Both 9:25

Thoi noh Kră Yang khan Sư wă pơlôch đĭ lu iĕm. Na inh đei drap bon kơkuh 'bơ̆t anăp Kră Yang lăm puăn-jĭt năr păng puăn-jĭt măng boih.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.

I Sam 15:35

Samuel ưh pă 'bôh Sôl dơ̆ng truh tơ năr sư lôch; yua kơ sư sơ'ngon dêh gah tơdrong jang Sôl; gah Kră Yang hmach dêh đei pơk Sôl pơm pơtao lu bơngai Isơrael.