II Kor 12:17 - Sơ̆p Hlabơar Nơ̆r 'Bok Kei-Dei

¹⁷ Dôm lu bơngai inh wơh năm tơ iĕm, lu sư hăm đei pơlung iŏk jên tơmam iĕm? Ưh kơ đei ôh.

II Kor 12:17 ပူးပေါင်းရင်းမြစ်များ

II Pot 5:16

Mă-lei Êlisê tơl khan: “Inh pơkă hăm Anăn Kră Yang mă arih ling-lang, tơ'ngla mă inh bơ̆jang, inh ưh kơ iŏk yă kiơ ôh.” Naaman lung athei Êlisê iŏk, mă-lei Êlisê pơjăng ưh kơ iŏk.

Markôs 5:26

Đei lơ 'bok pơgang ming ră, sư pơhuach đĭ jên mŭk tơmam sư ră, mă-lei jĭ sư 'nhŏ kơ klaih 'biơ̆, rai đunh rai dêh.

I Kor 16:10

Lăp Timôthê năm tơ iĕm, iĕm athei sơng iŏk sư tơpă hŏ, wă kơ sư huay kơ hli dah mơlâu, yua kơ sư jang tơdrong Kră Yang Yêsu Krist kư̆m lei-lăi thoi inh mơ̆n.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

II Kor 12:18

Inh wơh Tĭt hăm minh 'nu 'nhŏng oh bơ̆n năm tơ iĕm ki, Tĭt hăm đei pơhlŭ iŏk tơmam iĕm? Ưh ôh, yua kơ nhi bơ̆jang minh jơhngơ̆m minh đon hơdai.

II Kor 9:5

Thoi noh na inh wơh lu 'nhŏng oh bơ̆n âu năm hơdrol, wă kơ lu sư tơgŭm iĕm rai hơmet ra lê̆ dôm tơdrong noh hơdrol. Ưh kơ sĭ nhôn pơgŏ iĕm ôh, kiơ̆ kơ iĕm đêl pơkă đơ̆ng sơnăm sơ̆ boih. 'Noh na lăp nhôn truh tơ iĕm, iĕm đei tôm boih.