II Kor 12:11 - Sơ̆p Hlabơar Nơ̆r 'Bok Kei-Dei

¹¹ Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 12:11 ပူးပေါင်းရင်းမြစ်များ

Tơdrông Pơđơk 27:2

Lê̆ kơ đe pơư kơ ih, kơdih akâu ih 'nĕ kơ pơma 'bơm. Lê̆ kơ đe pơư pơma, tơ'ngla ih 'nĕ yua 'bơ̆r ih kơdih ôh.

Luka 17:10

Gah tơdrong iĕm kư̆m thoi noh mơ̆n. Lăp iĕm pơm tôm tơdrong 'Bok Kei-Dei pơkă, iĕm athei khan kơ Sư thoi âu đĕch: ‘Nhôn đĭch đam Ih ưh kơ hơnhŏ kơ Ih bơnê ôh, nhôn kư̆ jang kiơ̆ kơ Ih pơkă đĕch.’ ”

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

II Kor 1:6

Nhôn đei tơdrong pơmat-tat, 'noh nhôn adrin tơgŭm iĕm wă kơ iĕm hiôk păng klaih đơ̆ng tơdrong yoch. Nhôn đei 'Bok Kei-Dei pơlung pơhiôk jơhngơ̆m đon nhôn, wă kơ nhôn pơlung pơhiôk jơhngơ̆m đon iĕm, wă kơ iĕm pran jăng hli kơ iĕm mah đei tơdrong pơmat thoi nhôn.

II Kor 11:1

Dang ei inh kư̆m dang pơang akâu kơdih, apinh iĕm adrin mơ̆ng 'biơ̆ inh bơngai kơhlôh kơwao, inh chă pơma sa kơ iĕm, thoi iĕm mơ̆ng đơ̆ng sơ̆.

II Kor 11:5

Iĕm tơchĕng lu bơngai noh jơ̆ng 'bang Yêsu Krist tơpă, lu sư hơgei tơpă hă? Inh hơgei mơ̆n, inh ưh kơ thuơ kơ lu sư ôh.

II Kor 12:12

Kơplah inh oei hơdai iĕm sơ̆, inh adrin jang tơdrong 'Bok Kei-Dei tơpă, iĕm kư̆m 'bôh lơ tơdrong inh tơbăt kơ iĕm inh pơm jơ̆ng 'bang Yêsu Krist păng iĕm kư̆m 'bôh lơ tơdrong mơsêh mơyang hlĭch hlăch tơpă.

II Kor 12:6

Mă tơ̆ng inh pơang kơ iĕm tơdrong noh kơbĭ pơkiơ ră, yua kơ tơdrong tơpă, mă inh hli kơ đe ư-ang tơdrong bơngai noh 'bôh păng kơtơ̆ng, dang lĕ pơang akâu inh kơdih. Inh wă kơ đe 'bôh păng kơtơ̆ng dôm tơdrong bơngai noh hmă đĕch.

II Kor 3:1

Nhôn pơma thoi noh, nhôn wă kơ iĕm băt kơ nhôn pơm 'bok bơtho iĕm hă? Ưh ôh. Nhôn ưh kơ kăl kơthơ đe chih tơbăt kơ iĕm, kơthơ iĕm chih tơbăt kơ đe khan nhôn 'bok bơtho iĕm ôh. Lu bơngai nai sư wă thoi noh tơpă, mă-lei lu nhôn ưh ôh.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.

Galati 6:3

Mă-lei dah bơngai bu lui ưh kơjăp na sư roi kơ đe khan sư lui kơjăp, bơngai 'noh bơngai hơlĕnh.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.