II Kor 11:7 - Sơ̆p Hlabơar Nơ̆r 'Bok Kei-Dei

⁷ Kơplah inh bơtho iĕm tơdrong 'nao 'lơ̆ng 'Bok Kei-Dei sơ̆, inh iŏk đon ala kơ đe ưh kơ wă iŏk sa tơmam iĕm apah; inh jang sa kơdih bơtho rah iĕm wă kơ iĕm hiôk chơt. Đe ưh kơ hiôk kơ inh tơdrong noh hă na đe pơjăm inh ei?

II Kor 11:7 ပူးပေါင်းရင်းမြစ်များ

Jang 20:33

Inh ưh kơ 'nhĕng jên đe dah hơbĕn ao đe ôh.

Jang 20:34

Iĕm kư̆m băt mơ̆n inh bơ̆jang păng ti đĕch wă 'me sa akâu inh kơdih hăm lu bôl buăl inh mơ̆n.

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

I Kor 9:6

Dah lê̆ kơ nhi 'me sa kơdih đĕch?

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 10:16

Đơ̆ng noh na nhôn gơh năm bơtho jơ̆p kơ tơring pah to kơ iĕm, dang ei ưh tam đei bu bơtho kơ lu sư tơdrong Yêsu. Nhôn wă năm bơtho tơ noh wă kơ nhôn huay kơ pơang akâu thoi lu bơngai noh jang tơ anih đêl đe jang khan đe lui đơ̆ng sư bơtho.

II Kor 12:13

Tơdrong jang inh oei tơ iĕm kư̆m lei-lăi thoi inh jang tơ anih nai; pôm tơdrong 'me sa inh đĕch, inh kuă kơ pơgleh iĕm athei iĕm 'me inh, mă-lei iĕm 'nĕ kơ jô̆ yo.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.