II Kor 11:27 - Sơ̆p Hlabơar Nơ̆r 'Bok Kei-Dei

²⁷ Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.

II Kor 11:27 ပူးပေါင်းရင်းမြစ်များ

Je 38:9

“Ơ yŏng tơ'ngla pơtao inh. Lu đe noh pơm kơ Jêrêmi bơngai khan lê̆ adrol kơnê̆ dêh, tah lê̆ sư lăm sơlŭng. Sư gô lôch pơngot tơ noh, mưh tơmam sa lăm pơlei âu ưh pă đei boih.”

Mathiơ 17:21

Na gah tơdrong yang kơnê̆ thoi âu, dah bơ̆n ưh kơ krao khan kơ Kră Yang 'Bok Kei-Dei hơdrol păng ưh kơ ơ̆t kơ por, mă bơ̆n pơpuh lap đĕch, sư ưh kơ chu kơdâu ôh.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 6:5

Mă đe tôn tơbeh teh tơlơ̆, mă đe phak, mă đe pơ'brơh pơmat, dah năr nhôn jang lap, dah ưh kơ sŭk tep, dah năr nhôn kơtĕch kơ tơmam sa,

Philip 4:12

Mă arih pơmat-tat, mă arih hiôk jơnap inh băt tôm boih. Mă oei tơ yơ, mă tơdrong kiơ truh kơ inh, inh kư̆m juăt juăi boih, mă phĭ-phăt, mă pơngot rơwĕt, mă rơkah rơkai, dah ưh kơ mah.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.