II Kor 11:16 - Sơ̆p Hlabơar Nơ̆r 'Bok Kei-Dei

¹⁶ Inh wă tơbăt dơ̆ng kơ iĕm thoi âu: Iĕm 'nĕ tơchĕng khan inh bơngai kơhlôh tơpă, mă-lei dah iĕm wă jô̆ kơ inh pơm thoi bơngai kơhlôh kư̆m bưh mơ̆n wă kơ inh gơh pơang akâu thoi lu bơngai pơjăm inh noh 'biơ̆.

II Kor 11:16 ပူးပေါင်းရင်းမြစ်များ

II Kor 11:1

Dang ei inh kư̆m dang pơang akâu kơdih, apinh iĕm adrin mơ̆ng 'biơ̆ inh bơngai kơhlôh kơwao, inh chă pơma sa kơ iĕm, thoi iĕm mơ̆ng đơ̆ng sơ̆.

II Kor 11:19

Lu iĕm bơngai hơgei dêh boih dah kiơ, na mă iĕm chu mơ̆ng dôm lu bơngai kơhlôh pơma kư̆ kă thoi noh?

II Kor 12:1

Inh dang wă roi pơang kơ iĕm dơ̆ng, tơdrong ưh kơ yua ră, mă-lei inh dang wă roi pơang kơ iĕm tơdrong Kră Yang tơ'bôh kơ minh 'nu bơngai.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 12:6

Mă tơ̆ng inh pơang kơ iĕm tơdrong noh kơbĭ pơkiơ ră, yua kơ tơdrong tơpă, mă inh hli kơ đe ư-ang tơdrong bơngai noh 'bôh păng kơtơ̆ng, dang lĕ pơang akâu inh kơdih. Inh wă kơ đe 'bôh păng kơtơ̆ng dôm tơdrong bơngai noh hmă đĕch.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.