II Kor 11:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai noh iĕm 'nĕ lăng hlĭch tơdrong kiơ, lu sư trŏ kơ khŭl yang Satan 'mơ̆i. Yang Satan phŏ sư kư̆m pơm thoi linh jang 'lơ̆ng.

II Kor 11:14 ပူးပေါင်းရင်းမြစ်များ

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

II Kor 2:11

Na dang ei đĭ-đăng kơ bơ̆n 'nĕ pă jô̆ yo kơ bơngai mă yoch noh, hli kơ sư hiong lăm tơdrong yang Satan, yua kơ bơ̆n băt kơ yang Satan sư pơhlŭ hơgei dêh.

Galati 1:8

Sơ̆ nhôn bơtho ăn kơ iĕm tơdrong 'nao 'lơ̆ng trŏ tơpă, na dang ei mă bu bu, tơdah nhôn kơdih, dah linh jang 'lơ̆ng đơ̆ng plĕnh ti, bơtho ăn kơ iĕm tơdrong phara pơm wă pơhloh kơ nhôn bơtho iĕm sơ̆, ning-mônh 'Bok Kei-Dei gô phak sư tơpă.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.