II Kor 11:12 - Sơ̆p Hlabơar Nơ̆r 'Bok Kei-Dei

¹² Lu bơngai noh wă kơ nhôn iŏk sa jên iĕm thoi lu sư, wă kơ lu sư gơh pơang khan lu sư jang lei-lăi thoi nhôn, mă-lei nhôn ưh kơ đei layơ wă iŏk sa jên iĕm ôh.

II Kor 11:12 ပူးပေါင်းရင်းမြစ်များ

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Mathiơ 26:16

Đơ̆ng kơplah noh hloi Juđa chă tơdrong plơ̆ plĕch Yêsu.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

II Kor 1:17

Inh pơkă inh wă thoi noh tơpă, mă iĕm jô̆ kơ inh khan đon ưh kơ tơpăt ôh hă? Păng iĕm mơ̆ng dôm tơdrong inh pơkă thoi bơngai ưh kơ lui, hơ̆r kơ năm, năm. Ưh, ưh; thoi noh hă?

II Kor 10:17

Lăm sơ̆p hla bơar 'Bok Kei-Dei đei khan sơ̆ thoi âu: “Bơ̆n 'nĕ pă pơang akâu kơdih, bơ̆n athei pơang anăn Kră Yang đĕch.”

II Kor 11:18

Dang ei đei lơ bơngai pơma pơang akâu kơdih kiơ̆ thoi lu bơngai ưh kơ lui, na inh kư̆m wă pơma rok lu sư 'biơ̆.

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

II Kor 5:12

Nhôn pơma thoi noh ưh kơ sĭ nhôn wă pơang kơ iĕm ôh, nhôn pơma wă kơ iĕm hiôk 'bôh nhôn pơm trŏ. Thoi noh na mưh đe jô̆ kơ nhôn khan bơngai pơang, iĕm gơh tơl tơwih kơ lu sư, lu sư wih trŏ kơ bơngai pơang dơ̆ng, yua kơ dôm tơdrong lu sư pơma pơang 'bơ̆t anăp đe ngăl, ưh kơ đei tơpăt ôh.

Galati 1:7

Mă tơpă đei minh tơdrong 'nao 'lơ̆ng đĕch, ưh kơ đei tơdrong 'nao 'lơ̆ng nai dơ̆ng ôh. Inh khan kơ iĕm thoi noh yua kơ đei lu bơngai nai pơtuah iĕm, lu sư wă hơmet ming pơthim tơdrong 'nao 'lơ̆ng Yêsu Krist.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.