II Kor 11:11 - Sơ̆p Hlabơar Nơ̆r 'Bok Kei-Dei

¹¹ Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 11:11 ပူးပေါင်းရင်းမြစ်များ

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

II Kor 11:10

Inh băt kơ Yêsu Krist oei lăm inh, Sư wă kơ inh pơma tơpăt, na inh wă roi tơbăt kơ đe dôm tơdrong inh kuă kơ pơgŏ sa tơmam đơ̆ng iĕm, jơ̆p kơ dêh Grĕk gô băt mơ̆n.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 7:3

Inh pơma thoi noh ưh kơ sĭ inh hil lach kơ iĕm ôh, inh 'mêm kơ iĕm tơpă. Kư̆m thoi inh chih khan kơ iĕm hơdrol boih, iĕm minh jơhngơ̆m minh đon hăm inh, mă lôch mă arih bơ̆n hơdai.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Jôsuê 22:22

Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.