II Kor 11:10 - Sơ̆p Hlabơar Nơ̆r 'Bok Kei-Dei

¹⁰ Inh băt kơ Yêsu Krist oei lăm inh, Sư wă kơ inh pơma tơpăt, na inh wă roi tơbăt kơ đe dôm tơdrong inh kuă kơ pơgŏ sa tơmam đơ̆ng iĕm, jơ̆p kơ dêh Grĕk gô băt mơ̆n.

II Kor 11:10 ပူးပေါင်းရင်းမြစ်များ

Jang 18:12

Lăp Galiôn tŏk pơm kră pơgơ̆r tơ dêh char Grĕk, lu bơngai Juđê pơđâu băl pôm đon na lu sư năm rôp Pôl anhăk sư tơ anih lu kră sek tơlang.

Jang 18:27

Apôlê kư̆m wă năm tơ dêh char Grĕk mơ̆n. Na lu bơngai lui tơ Pơlei Êphêsô tơgŭm sư chih kơ sư kơthơ wă chĕp ba ăn kơ lu buăl lui tơ dêh char Grĕk, apinh lu bơngai lui ei sơng iŏk sư. Lăp Apôlê truh tơ char Grĕk boih, Apôlê bơtho tơgŭm tơpă kơ lu bơngai 'Bok Kei-Dei mơnat ăn lui kơ Yêsu boih.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 16:5

Inh kư̆m đei nơ̆r jet gia lu bơngai mă juăt kơ akŭm tơ hnam bre sư. Inh kư̆m đei nơ̆r jet gia Êpanet, inh 'mêm kơ sư tơpă. Lăm dêh Asi sư boih lui kơ Yêsu Krist hơdrol kơ đe.

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 1:23

'Bok Kei-Dei wă kơ inh pơma tơpăt kơ tơdrong inh ưh kơ đei năm hơpong tơ pơlei iĕm noh, ưh kơ sĭ yua inh ôh, yua iĕm. Inh hli kơ mưh inh năm iĕm mơlâu, yua kơ mưh inh năm pă jor kơ inh pơma pơjĭ đon iĕm.

II Kor 10:15

Dôm lu bơngai khŭl nai lui kơjăp đơ̆ng đe bơtho, nhôn ưh kơ đei pơma khan đơ̆ng nhôn bơtho ôh. Mă iĕm âu đơ̆ng anăp nhôn bơtho tơpă, na nhôn chang iĕm jah lui kơjăp, wă kơ iĕm jah tơgŭm nhôn bơtho jơ̆p kơ tơring iĕm.

II Kor 11:12

Lu bơngai noh wă kơ nhôn iŏk sa jên iĕm thoi lu sư, wă kơ lu sư gơh pơang khan lu sư jang lei-lăi thoi nhôn, mă-lei nhôn ưh kơ đei layơ wă iŏk sa jên iĕm ôh.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 12:19

Iĕm tơchĕng nhôn chih đơ̆ng tơm hmơm hei, truh tơ dang ei âu, iĕm tơchĕng nhôn chih athei iĕm pơma sek tơlang tơdrong nhôn hă? Ưh ôh. Tơdrong sek tơlang, bơ̆n gô mơ̆ng kơ 'Bok Kei-Dei sek tơlang đĕch păng gô mơ̆ng kơ Yêsu Krist đĕch tơgŭm nhôn pơma. Ơ 'nhŏng oh mă nhôn 'mêm kơeng, dôm tơdrong nhôn chih bơtho iĕm noh hei ưh kơ sĭ nhôn hil kơ iĕm ôh, nhôn wă kơ iĕm lui kơjăp.

II Kor 9:2

yua kơ inh băt kơ iĕm 'maih tơgŭm bôl tơpă. 'Noh na inh roi pơang tơdrong lu iĕm mă oei tơ dêh Grĕk kơ lu bơngai lui tơ dêh Masêđôn, tơdrong iĕm 'maih tơgŭm lu đe noh đơ̆ng sơnăm sơ̆ boih. Lu sư 'bôh iĕm chơgăm, lu sư kư̆m 'maih mơ̆n.

Galati 1:20

Dôm tơdrong inh chih âu trŏ tơpă. 'Bok Kei-Dei 'bôh bơ̆n na inh ưh kơ pơ̆n hơlĕnh ôh.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

I Tes 2:5

Iĕm kư̆m băt mơ̆n nhôn năm tơ iĕm ki nhôn bơtho kiơ̆ tơdrong tơpăt. Nhôn năm tơ iĕm ưh kơ sĭ nhôn wă pơlung iŏk jên iĕm ôh. 'Bok Kei-Dei kư̆m băt kơ nhôn ưh kơ pơm thoi noh mơ̆n. Nhôn năm tơ iĕm wă bơtho iĕm tơdrong 'nao 'lơ̆ng Sư đĕch.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.