II Kor 10:7 - Sơ̆p Hlabơar Nơ̆r 'Bok Kei-Dei

⁷ Tơdrong âu iĕm athei tơchĕng mă nhên, bơngai bu khan Yêsu Krist 'mêm kơ sư, nhôn kư̆m khan Yêsu Krist 'mêm kơ nhôn mơ̆n. Iĕm athei băt Yêsu Krist 'mêm kơ bơ̆n lei-lăi đĕch.

II Kor 10:7 ပူးပေါင်းရင်းမြစ်များ

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

I Kor 14:37

Bơngai bu băt kơdih sư khan sư bơngai pơtruh tơdrong 'Bok Kei-Dei kơ đe păng lu bơngai bu nai khan sư đei Yang Bơhngol 'Lơ̆ng tơgŭm sư hơgei gơh pơm tơdrong kiơ kiơ, lu bơngai noh sư athei băt tôm tơdrong inh chih ată đơ̆ng Yêsu Krist tơpă yơh.

I Kor 15:23

Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

I Kor 3:23

păng iĕm jing 'nhŏng oh Yêsu Krist, na Yêsu Krist Sư Kon 'Bok Kei-Dei.

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 11:18

Dang ei đei lơ bơngai pơma pơang akâu kơdih kiơ̆ thoi lu bơngai ưh kơ lui, na inh kư̆m wă pơma rok lu sư 'biơ̆.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

II Kor 5:12

Nhôn pơma thoi noh ưh kơ sĭ nhôn wă pơang kơ iĕm ôh, nhôn pơma wă kơ iĕm hiôk 'bôh nhôn pơm trŏ. Thoi noh na mưh đe jô̆ kơ nhôn khan bơngai pơang, iĕm gơh tơl tơwih kơ lu sư, lu sư wih trŏ kơ bơngai pơang dơ̆ng, yua kơ dôm tơdrong lu sư pơma pơang 'bơ̆t anăp đe ngăl, ưh kơ đei tơpăt ôh.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

I Yo 4:6

Sơmă bơ̆n kon 'Bok Kei-Dei. Bơngai bu băt kơ 'Bok Kei-Dei, bơngai 'noh sư mơ̆ng bơ̆n. Bơngai bu ưh kơ băt kơ 'Bok Kei-Dei, bơngai 'noh ưh kơ mơ̆ng bơ̆n ôh. Thoi noh bơ̆n băt bơngai bu kiơ̆ Yang Bơhngol 'Lơ̆ng tơpă, bu wă kiơ̆ yang Satan đĕch.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.