II Kor 10:14 - Sơ̆p Hlabơar Nơ̆r 'Bok Kei-Dei

¹⁴ Tơdrong nhôn bơtho iĕm dang ei ưh kơ sĭ nhôn pơhloh kơ 'Bok Kei-Dei chơchă kơdih ôh, tơdrong nhôn bơtho iĕm âu 'Bok Kei-Dei pơjao kơ nhôn, na nhôn năm bơtho iĕm tơdrong 'nao 'lơ̆ng Yêsu Krist đơ̆ng sơ̆ boih, ưh tam đei bu nai bơtho adrol kơ lu nhôn.

II Kor 10:14 ပူးပေါင်းရင်းမြစ်များ

Markôs 1:1

Âu boih roi gah tơm hmơm tơdrong 'nao 'lơ̆ng Yêsu Krist, Kon 'Bok Kei-Dei:

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

I Kor 2:10

Mă-lei 'Bok Kei-Dei ăn kơ bơ̆n Yang Bơhngol 'Lơ̆ng tơbăt ăn kơ bơ̆n tơdrong 'noh, yua kơ Yang Bơhngol 'Lơ̆ng băt tôm tơdrong 'Bok Kei-Dei mă jrŭ dang yơ.

I Kor 3:10

'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Tim 1:11

Tơdrong 'lơ̆ng tơpăt noh tơdrong 'nao 'lơ̆ng 'Bok Kei-Dei. 'Bok Kei-Dei ăn kơ inh bơtho tơdrong 'nao 'lơ̆ng Sư. Sư boih mă hiôk-hian ling-lang. Sư Kră Yang tih hloh.