II Kor 10:13 - Sơ̆p Hlabơar Nơ̆r 'Bok Kei-Dei

¹³ Nhôn ưh kơ đei pơang tơdrong nhôn jang hloh kơ 'Bok Kei-Dei pơkă ôh, nhôn jang 'blep thoi Sư pơkă đĕch, na tơdrong jang nhôn Sư pơjao kơ nhôn bơtho tơgŭm iĕm.

II Kor 10:13 ပူးပေါင်းရင်းမြစ်များ

Horiso 19:4

Mă-lei nơ̆r lu sư pơma truh jơ̆p-jang kơ teh đak, Păng nơ̆r lu sư kơtơ̆ng truh tôch teh đak.b Tơ plĕnh Kră Yang pơm hnam bơsŭn ăn kơ măt 'năr boih;

Tơdrông Pơđơk 25:14

Bơngai bu pơkă wă ăn tơmam, Mă-lei ưh kơ đei ăn. Thoi hơmơ̆l 'mi đei kial jor kơ 'mi dơ̆ng.

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Mathiơ 25:15

Sư ăn kơ lu bơngai jang kơ sư jên gô mơ̆ng kơ lu sư gơh mơdro sa kơdih. Bơngai hơgei kơ mơdro sư ăn lơ 'biơ̆, bơngai ưh kơ gan hơgei sư ăn tŏ sĕt 'biơ̆. Sư ăn kơ bơngai mă mônh pơđăm hlak jên maih, minh hlak jên maih noh lơ tơpă. Sư ăn kơ bơngai mă 'bar, 'bar hlak jên maih. Bơngai mă pêng lăp minh hlak jên maih. Klaih kơ noh yŏng sư năm tơ dêh tơmoi ataih.

Rom 10:18

Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Rom 12:6

Na 'Bok Kei-Dei ăn kơ bơ̆n phara tơdrong hơgei, mơ'nah sư hơgei pơm kiơ, gơh jang tơdrong kiơ, na bơ̆n athei jang kiơ̆ kơ Sư ăn noh. Dah Sư ăn kơ bơ̆n hơgei gơh tơbăt kơ đe tơdrong Sư, bơ̆n kư̆ kơ jang tơdrong noh. Bơ̆n gơh dang yơ bơ̆n jang dang noh.

Rom 15:20

Inh bơtho tơ anih mă đe ưh tam mă kơtơ̆ng. Inh ưh kơ bơtho tơ anih đe bơtho boih ôh, kơnh dang inh pơm hnam yua đêl jrăng đe chă.

I Kor 12:11

Đei minh 'nu Yang Bơhngol 'Lơ̆ng đĕch ăn kơ bơ̆n tôm tơdrong hơgei 'noh, Sư asong kơ rim 'nu bơngai bu kiơ̆ kơ Sư wă.

Êphêsô 4:7

Đơ̆ng năr bơ̆n pơtơm lui lăp pôm tơdrong hơgei đĕch Yêsu ăn kơ bơ̆n phara.

I Pet 4:10

'Bok Kei-Dei ăn kơ lu bơngai lui bơ̆n tôm tơdrong hơgei phara, na bơ̆n athei jang kiơ̆ kơ Sư ăn kơ bơ̆n hơgei noh, wă kơ bơ̆n gơh tơgŭm băl.