II Kor 1:24 - Sơ̆p Hlabơar Nơ̆r 'Bok Kei-Dei

²⁴ Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

II Kor 1:24 ပူးပေါင်းရင်းမြစ်များ

Mathiơ 24:49

na sư ngôi hơdai sa et păng lu bơngai suai sik, tôn teh lu buăl sư tăm,

Rom 1:12

Inh wă kơ bơ̆n pơm thoi âu: Inh 'maih năm tơ iĕm wă kơ bơ̆n gơh tơgŭm dih băl, wă kơ inh 'bôh tơdrong lui iĕm, iĕm 'bôh tơdrong lui inh, noh na bơ̆n lui rai kơjăp hloh.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

I Kor 15:1

Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

II Kor 11:20

Iĕm chu kơ lu bơngai noh, iĕm jing bơngai đĭch; sư sa yua kơpah tơmam iĕm, sư pơgŏ iĕm, iĕm chu sư pơjuă kơtĭt iĕm, sư tap 'bŏ iĕm.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

II Kor 5:7

Nhôn kiơ̆ Sư kơplah oei tơ ala teh âu, nhôn kiơ̆ hăm tơdrong lui đĕch, wă kơ juăt hăm Sư, ưh kơ sĭ nhôn kiơ̆ yua kơ măt nhôn 'bôh Sư boih ôh.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.