II Ho 9:9 - Sơ̆p Hlabơar Nơ̆r 'Bok Kei-Dei

⁹ Đơ̆ng noh sư ăn kơ pơtao minh-hrĕng 'bar-jĭt talâng maih, tơmam 'bâu phu lơ tơpă păng tơmo gĭt, tam biơh đei tơmam 'bâu phu thoi noh đơ̆ng sơ̆ thoi tơmam 'bâu phu đơ̆ng thoi yă pơtao char Seba ăn kơ pơtao Sôlômôn.

II Ho 9:9 ပူးပေါင်းရင်းမြစ်များ

Bl 43:11

Đơ̆ng noh Isơrael, 'bă lu sư khan: Tơdah đei tơdrong thoi noh, lei lu iĕm athei pơm thoi âu: Athei pơih iŏk tơmam gĭt kăp đơ̆ng lăm kơdŭng iĕm mă chĕp ba đơ̆ng dêh bơ̆n âu: Pơgang 'bâu phu, đak sut, chai 'long, 'long 'bâu phu, plei 'long gĭt na pơyơ̆r ăn kơ sư pơm tơmam bơnê.

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

I Pot 9:14

Hiram gơih ăn kơ Sôlômôn minh-hrĕng 'bar-jĭt talâng jên maih.

II Ho 9:1

Wă pơtao drŏ-kăn dêh char Seba kơtơ̆ng đe ư-ang kơ Sôlômôn, na sư năm truh tơ Jêrusalem, wă pơpơn pơlong lăng Sôlômôn; yă pơtao chông lu đĭch đam bơngai awih awăn lơlap, đei lu lăk-đa chơ pơgang 'bâu phu, đei maih lơ păng tơno gĭt; sư năm tơ Sôlômôn, roi tôm dôm tơdrong mă sư đei tơchĕng lăm kơ̆l sư kơdih.

II Ho 9:10

Lu bơngai đơ̆ng Hiram păng lu bơngai đơ̆ng Sôlômôn wơh kư̆m đei chơ 'long kơte păng chơ tơmo gĭt đơ̆ng char Ôphir.

II Ho 9:24

Lăm rim sơnăm, lu sư năm tơ'bơ̆p chĕp ba tơmam pơyơ̆r, tơmam đe pơm păng hu maih, hơbĕn ao, tơmam tơblah tơmam 'bâu phu, aseh păng aseh iĕ.

II Ho 9:8

Trŏ bơnê ư-ang tơpă kơ Kră Yang 'Bok Kei-Dei ih, Sư lăp đon kơ ih, ăn kơ ih pơm pơtao hơ-oei 'bơ̆t tang-dŏ pơtao Sư wă pơm pơtao ăn kơ Kră Yang 'Bok Kei-Dei ih! Yua kơ Kră Yang 'Bok Kei-Dei ih 'mêm kơ bơngai Isơrael, wă pơm ăn kơ lu sư kơjăp ling-lang, lei na ăn kơ ih pơm pơtao lu sư wă pơm tơdrong 'lơ̆ng păng tơdrong tơpăt.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Horiso 72:15

Sư gô oei arih sot, na gô pơyơ̆r maih Seba ăn kơ sư. Đe gô krao khan kơ sư ling-lang; Păng rim năr sơkat pŭn hiôk kơ sư.

Le 30:34

Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h