II Ho 9:6 - Sơ̆p Hlabơar Nơ̆r 'Bok Kei-Dei

⁶ Mă-lei adrol kơ inh tam mă truh tơ âu tam mă 'bôh tơm măt dôm tơdrong 'nâu, lei inh ưh kơ lui ôh kơ nơ̆r lu sư roi noh; lei na, 'nâu đe roi kơ inh băt ưh tam mă đei minh puăt ôh tơdrong ih hơgei; sĭt tơpă tơdrong hơgei ih tih hloh kơ inh kơtơ̆ng.

II Ho 9:6 ပူးပေါင်းရင်းမြစ်များ

I Pot 10:7

Kơplah inh tam mă truh tơ âu păng măt inh ưh tam mă 'bôh inh ưh kơ lui ôh dôm tơdrong mă đe roi 'noh; tơdrong mă inh kơtơ̆ng lăp minh puăt tơdrong gơh hơgei păng tơdrong mơdrŏng ih oei hloh kơ dôm tơdrong inh kơtơ̆ng.

I Pot 4:31

Sư hơgei dêh hloh kơ đĭ-đăng lu bơngai hơgei, kư̆m hơgei hloh kơ Êthan, bơngai Esra, hloh kơ Hêman, hloh kơ Kalkôl păng hloh kơ Đarđa lu kon drŏ-nglo Mahôl. Păng tơdrong ư-ang kơ sư kơtơ̆ng tơ jơ̆p-jang kơ dêh char tăp dăr.

I Pot 4:34

Đơ̆ng rim kơ adrĕch adrung kon bơngai năm mơ̆ng tơdrong gơh hơgei pơtao Sôlômôn păng đĭ-đăng lu pơtao lăm teh đak kư̆m đei kơtơ̆ng boih tơdrong gơh hơgei sư.

II Ho 9:5

Yă pơtao khan kơ pơtao: Tơdrong inh kơtơ̆ng đe roi gah ih lăm char nhôn tơdrong nơ̆r ih pơma hơgei păng tơdrong jang ih hơgei tơpă.

II Ho 9:7

Pŭn hiôk dêh kơ lu bơngai pơgơ̆r oei hăm ih, lu đam ih, rim năr jang 'bơ̆t anăp ih, mơ̆ng nơ̆r 'bơ̆r đon hơgei ih,

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

I Kor 2:9

Mă sơ̆p hla bơar 'Bok Kei-Dei kư̆m đei chih khan: “Klong măt kon bơngai ưh kơ 'bôh, đon ưh kơ kơtơ̆ng, jơhngơ̆m đon kon bơngai ưh kơ đei tơchĕng iŏk, tơdrong 'noh boih 'Bok Kei-Dei hơmet ăn kơ lu bơngai mă 'mêm kơ Sư.”

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.