II Ho 9:4 - Sơ̆p Hlabơar Nơ̆r 'Bok Kei-Dei

⁴ lu tơmam sa tơ gơ'bang, tang-dŏ lu yŏng pơgơ̆r sư hơ-oei, lu bơngai awih awăn sư hơbĕn ao lu sư hrŭk, lu bơngai awih awăn ăn đak nhă hơbĕn ao tai lu sư hrŭk păng dôm lu tơmam soi 'buh pơyơ̆r lăm hnam Kră Yang, na yă pơtao Seba lăng hlĭch ưh pă băt pơma liơ.

II Ho 9:4 ပူးပေါင်းရင်းမြစ်များ

I Pot 10:5

tơmam sŏng sa kơpal gơ'bang, tang-dŏ lu bơngai jang sư hơ-oei, tơdrong jang lu đĭch đam sư, hơbĕn ao lu sư hrŭk, lu bơngai năm ba kơchŏk đak nhă pơtao păng dôm tơmam soi pơyơ̆r lăm Hnam kơkuh kơ Kră Yang, yă pơtao ưh pă gơh pơma kiơ.

I Pot 5:2

Sôlômôn kư̆m tơwih nơ̆r kơ pơtao Hiram khan:

I Pot 5:3

“Ih băt bơih yua kơ tơblah wang jơ̆p-jang tăp dăr, na Đawit 'bă inh sư tam mă gơh pơm Hnam Akŭm kơ anăn Kră Yang 'Bok Kei-Dei sư, dĭng truh tơ Kră Yang ăn kơ sư blah pơjuă lu ayăt tơ ala jơ̆ng sư.

II Pot 16:18

Yua kơ sư wă kơ lăp đon pơtao đe Asiri, na sư kư̆m teng yuih lê̆ khăn dăng kuă kơ tŏ kơ trong đơ̆ng Hnam akŭm truh tơ 'măng dur, 'măn ăn kơ pơtao năm lăm năr pơdơh Sa'bat.

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 9:3

Yă pơtao Seba 'bôh tơdrong hơgei Sôlômôn, lăng hnam sư đei pơm boih,

II Ho 9:5

Yă pơtao khan kơ pơtao: Tơdrong inh kơtơ̆ng đe roi gah ih lăm char nhôn tơdrong nơ̆r ih pơma hơgei păng tơdrong jang ih hơgei tơpă.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Horiso 119:81

Bơhngol inh rơdu rơmơ̆n chang gô tơdrong dŏng pơklaih đơ̆ng Ih. Mă-lei Inh hơmĕng kơ nơ̆r Ih.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Tơdrông Pơđơk 9:5

Hiăng bĕ, năm sa tơmam inh, Păng huch sik hơmu inh hrâu boih.

Hơri Hiôk 5:8

Ơ lu adruh Jêrusalem, inh pơkă kơ lu iĕm, Tơdah iĕm tơ'bơ̆p pơyô inh, roi ăn kơ sư. Inh jĭ jơhngơ̆m yua kơ hơyuh kơ sư.

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

Êsêkiên 46:2

Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.

Da 10:17

Thoi yơ inh âu đĭch đam Ih, mă gơh pơma hăm ih yŏng tơ'ngla inh? Yua kơ gah inh, pă đei jơhngơ̆m pran boih lăm jơhngơ̆m inh păng kư̆m pă đei kial dui jơhngơ̆m boih!

Mathiơ 6:29

Inh khan kơ iĕm tơpă, pơtao Sôlômôn sơ̆ sư mơdrŏng tih tơpă, mă-lei hơbĕn ao sư ưh kơ mah 'lơ̆ng dang pơkao 'nhĕt bri brah ôh.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.