II Ho 9:29 - Sơ̆p Hlabơar Nơ̆r 'Bok Kei-Dei

²⁹ Đĭ-đăng tơdrong jang Sôlômôn pơm pơjing đơ̆ng blŭng truh tơ tôch đei chih tơ lăm sơ̆p hla bơar hơ'mon Nathan bơngai khan lê̆ adrol, lăm hla bơar Ahija bơngai khan lê̆ adrol, bơngai Silô, chih lăm sơ̆p hla bơar Iđô, 'bok mă đei khan lê̆ adrol gah tơdrong Jêrôbôam, kon drŏ-nglo Nêbat.

II Ho 9:29 ပူးပေါင်းရင်းမြစ်များ

II Sam 12:1

Kră Yang wơh Nathan năm tơ'bơ̆p Đawit, sư pơma khan: “Lăm minh pôm pơlei 'nei đei 'bar 'nu bơngai, minh 'nu mơdrŏng minh 'nu dơnuh.

II Sam 12:25

Yua kơ Kră Yang 'mêm kơ nge noh dêh, na Sư wơh Nathan bơngai pơtruh nơ̆r sư krao anăn nge noh Jêđiđia.

I Pot 1:8

Mă-lei 'bok soi Sadôk, Bênaia kon drŏ-nglo Jêhôiada, Nathan bơngai khan lê̆ adrol, Simei, Rei păng lu linh Đawit mă nuih kơtang ưh kơ kiơ̆ ôh Adonija.

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

I Pot 11:29

Kơplah 'noh Jêrôbôam lĕch đơ̆ng pơlei Jêrusalem rok trong, Ahija bơngai khan lê̆ adrol pơlei Silô tơ'bơ̆p sư, Ahija hrŭk minh blah ao tai 'nao, 'bar 'nu măr sư đĕch oei tơ 'noh.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Ho 29:29

Dôm tơdrong hơ'mon kơ pơtao Đawit đơ̆ng blŭng-a truh tơ tôch, đei chih răk tơ lăm Sơ̆p hla bơar Samuel, 'bok khan lê̆ adrol lăm Sơ̆p hla bơar Nathan, 'bok khan lê̆ adrol păng lăm Sơ̆p hla bơar Gat, 'bok khan lê̆ adrol.

II Ho 10:2

Lăp Jêrôbôam, kon drŏ-nglo Nêbat kơtơ̆ng tơdrong noh, sư oei oei lăm dêh char Êyiptơ yua kơ sư kơdâu ôn kơ Sôlômôn, na sư wih brŏk đơ̆ng char Êyiptơ.

II Ho 12:15

Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.

II Ho 13:22

Lu tơdrong jang nai mă Abija jang, lu tơdrong sư pơm păng nơ̆r sư pơma, đei chih răk lăm sơ̆p hla bơar hơ'mon Iđô bơngai khan lê̆ adrol.