II Ho 9:14 - Sơ̆p Hlabơar Nơ̆r 'Bok Kei-Dei

¹⁴ Ưh kơ jô̆ lu maih mă đơ̆ng lu mơdro pơyơ̆r, mă hu maih đơ̆ng pơtao Arâp dah đơ̆ng lu yŏng pơgơ̆r char năm ba ăn kơ pơtao Sôlômôn.

II Ho 9:14 ပူးပေါင်းရင်းမြစ်များ

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

II Ho 9:15

Pơtao Sôlômôn tơtang maih noh pơm 'bar-hrĕng hlak khêl tih, minh hlak khêl trăp tơdrâu-hrĕng beka maih.

Horiso 68:29

Yua kơ Hnam akŭm Ih tơ pơlei Jêrusalem. Lu pơtao gô pơyơ̆r Tơmam Soi kơ Ih.

Horiso 68:30

Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Je 25:24

Ăn kơ lu pơtao Arâp, ăn kơ lu pơtao rim dêh char nai oei hơbĭ lăm char glă.