II Ho 9:11 - Sơ̆p Hlabơar Nơ̆r 'Bok Kei-Dei

¹¹ Pơtao yua 'long kơte noh pơm kung lăm hnam akŭm Kră Yang păng lăm hnam pơtao, hăm pơm brŏ dung, tĭng-nĭng reh ăn kơ khŭl hơri; đơ̆ng sơ̆ đe ưh tam 'bôh ôh tơ lăm dêh char Juđa đei thoi noh.

II Ho 9:11 ပူးပေါင်းရင်းမြစ်များ

I Pot 10:12

Pơtao yua 'long kơte pơm jrăng tơm Hnam Kră Yang păng hnam pơtao, păng lu brŏ dung, tĭng-nĭng ăn kơ lu bơngai hơri. Đơ̆ng năr noh truh dang ei ưh kơ đei bu chơ ba 'long kơte lơ dang noh.

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

I Ho 25:1

Đawit păng lu yŏng pơgơ̆r linh 'măn lê̆ pha mơ'nah lu kon sâu Asap, Hêman păng Jêđuthun wă bơ̆jang, reh brŏ dung, tĭng-nĭng hăm preh chhar wă pơma khan lê̆ adrol. 'Nâu anăn lu bơngai bơ̆jang.

II Ho 2:8

Kŭm athei gơih ăn kơ inh 'long hơngo, 'long hơngo hla iĕ, 'long kơte đơ̆ng char Liban, yua kơ inh băt lu bơngai jang kơ ih juăt kơ kăl 'long đơ̆ng char Liban, lu bơngai jang kơ inh gô jang hơdai lu bơngai bơ̆jang đơ̆ng ih.

II Ho 9:10

Lu bơngai đơ̆ng Hiram păng lu bơngai đơ̆ng Sôlômôn wơh kư̆m đei chơ 'long kơte păng chơ tơmo gĭt đơ̆ng char Ôphir.

II Ho 9:12

Pơtao Sôlômôn ăn kơ yă pơtao char Seba tơmam kiơ̆ thoi sư apinh hơpơi wă, lơ hloh kơ tơmam sư đei pơyơ̆r ăn kơ pơtao Sôlômôn, đơ̆ng noh yă pơtao păng lu đĭch đam sư wih brŏk tơ dêh char sư kơdih.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.