II Ho 8:18 - Sơ̆p Hlabơar Nơ̆r 'Bok Kei-Dei

¹⁸ Hiram gơih ăn bơngai jang sư chĕp ba duk hăm bơngai juăt kơ wơ̆r duk lăm đak dơsĭ; lu sư năm hơdai bơngai jang Sôlômôn năm tơ Ôphir, đơ̆ng noh lu sư chĕp ba ăn kơ Sôlômôn mơjĭt-tơdrâu tâna maih.

II Ho 8:18 ပူးပေါင်းရင်းမြစ်များ

I Pot 10:22

Yua kơ pơtao đei lơ duk đơ̆ng Tarsis lăm đak dơsĭ hơdai hăm duk Hiram, lăm pêng sơnăm minh 'măng brŏk chơ ba maih, hu, bơla rôih, kuĕnh păng hơmră.

II Ho 9:10

Lu bơngai đơ̆ng Hiram păng lu bơngai đơ̆ng Sôlômôn wơh kư̆m đei chơ 'long kơte păng chơ tơmo gĭt đơ̆ng char Ôphir.

II Ho 9:13

Maih mă pơtao Sôlômôn đei iŏk lăm rim sơnăm tơdrâu-hrĕng tơdrâu-jĭt tơdrâu talâng.

II Ho 9:21

yua kơ pơtao đei khŭl duk tŏk tơ Tarêsis, hơdai hăm đĭch đam Hiram; păng pêng sơnăm minh wơ̆t duk juăt kơ chơ ba hu maih, bơla, kuĕnh păng 'bok bul.

Bôk Bơthô 2:8

Inh kư̆m mong 'măn hu maih păng dôm tơmam gĭt lu pơtao tơ lăm, lu pơlei tih. Inh kư̆m chă pơlung ăn kơ inh kơdih iŏk bơngai drŏ-nglo drŏ-kăn hơri, hăm tơdrong hiôk bơngai drŏ-nglo, wă iŏk akăn, akăn kơnhŏng lơ.