II Ho 8:14 - Sơ̆p Hlabơar Nơ̆r 'Bok Kei-Dei

¹⁴ Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

II Ho 8:14 ပူးပေါင်းရင်းမြစ်များ

II Sam 23:2

Yang Bơhngol 'Lơ̆ng Kră Yang yua inh pơma bơtho. Nơ̆r Sư lăm hơpiĕt inh.

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Ho 16:37

Đawit pôk Asap hăm lu 'nhŏng oh sư oei kơtă tơ noh 'bơ̆t anăp hom pơgơ̆p Kră Yang wă bơ̆jang ling-lang 'bơ̆t anăp hom pơgơ̆p kiơ̆ trŏ thoi đêl hơgăt.

I Ho 16:42

Hêman hăm Jêđuthun hlôm keng, preh chhar, hăm yua lu tơmam nai wă hơri kơkuh kơ Kră Yang 'Bok Kei-Dei. Lu kon drŏ-nglo Jêduthun tơdrong jang lu sư wei gak 'măng jang.

I Ho 23:1

Đawit đĭ kră, sơnăm sư đĭ sot bơih, na sư pơchĕp ăn kơ kon drŏ-nglo sư Sôlômôn pơm pơtao Isơrael.

I Ho 24:1

'Nâu khŭl kon sâu Arôn: Kon drŏ-nglo Arôn noh Nađap, Abihu, Êlêasar păng Ithamar.

I Ho 24:3

Sađôk kon sâu Êlêasar păng Ahimelek kon sâu Ithamar tơgŭm Đawit klah asong khŭl 'bok soi ăn kơ lu sư kiơ̆ kơ tơdrong jang.

I Ho 25:1

Đawit păng lu yŏng pơgơ̆r linh 'măn lê̆ pha mơ'nah lu kon sâu Asap, Hêman păng Jêđuthun wă bơ̆jang, reh brŏ dung, tĭng-nĭng hăm preh chhar wă pơma khan lê̆ adrol. 'Nâu anăn lu bơngai bơ̆jang.

I Ho 26:1

Dôm lu khŭl bơngai gak 'măng jang thoi âu: Lu bơngai Kôrahit đei Mêsêlêmia, kon drŏ-nglo Asap.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

I Ho 9:17

Lu bơngai gak 'măng jang: Sallum, Akup, Tanmôn, Ahiman, păng 'nhŏng oh lu sư Sallum pơm kơ̆l.

I Ho 9:24

Lu bơngai gak 'măng jang puăn pah, gah hơlĕch, gah bơmơ̆t, gơal păng gah yă-nơ̆m.

II Ho 23:19

Sư kư̆m pơjao ăn kơ lu bơngai gak wei-lăng lu 'măng jang hnam Kră Yang, wă ưh kơ đei bơngai bu 'mê̆-'mach kơnê̆ mơ̆t tơ noh.

II Ho 23:4

'Nâu tơdrong lu iĕm athei pơm: Minh lăm pêng 'nu lu iĕm, lu 'bok soi păng lu bơngai Lêwi, bơ̆jang lăm năr Sa'bat, athei lu wei 'măng jang;

II Ho 29:25

Pơtao sư dan 'măn lê̆ lu bơngai Lêwi lăm Hnam Kră Yang chĕp chhar, brŏ dung, tĭng-nĭng kiơ̆ kơ Đawit, Gat 'bok 'bôh adrol, jang kơ pơtao păng Nathan 'bok khan lê̆ adrol, pơkă noh đơ̆ng Kră Yang ăn kơ lu 'bok khan lê̆ adrol tơbăt.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

II Ho 35:10

Tơdrong jang hơmet lê̆ đang boih, lu 'bok soi lu sư dơ̆ng 'bơ̆t anih lu sư kơdih păng lu bơngai Lêwi kiơ̆ kơ khŭl lu sư thoi nơ̆r pơtao tơtă.

II Ho 35:15

Lu bơngai hơri, kon sâu Asap; Hêman păng Jêđuthun, 'bok 'bôh lê̆ adrol pơtao, kư̆m oei dơ̆ng lăm anih lu sư kơdih, kiơ̆ thoi tơdrong juăt Đawit tơtă; lu bơngai gak wei 'măng jang kư̆m ngôi tơ rim 'măng, ưh kơ weh đơ̆ng tơdrong jang sư kơdih, yua kơ 'nhŏng oh lu sư bơngai Lêwi đei hơmet ăn boih tơmam sa kơ lu sư.

II Ho 35:4

Hơmet bĕ lu iĕm kơdih kiơ̆ kơ adrĕch 'bok lu iĕm, kiơ̆ kơ khŭl lu iĕm, kiơ̆ mă Đawit pơtao Isơrael păng Sôlômôn kon drŏ-nglo sư đei chih tơtă boih.

II Ho 5:11

Lu 'bok soi kơdŭn lĕch đơ̆ng anih 'Lơ̆ng rơgoh, đĭ-đăng lu 'bok soi lu sư athei hơmet kơdih rơgoh, mă khan lu sư khŭl ayơ.

II Ho 8:15

Nơ̆r pơtao đei tơtă kơ lu 'bok soi bơngai Lêwi gah tôm tơdrong jang mă khan tơ hnam mong mŭk tơmam athei jang mă 'lơ̆ng.

Esơra 6:18

Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

Ne 12:25

Matinia Bakbukia, Ôbađia, Mêsulam, Tamôn păng Akup, lu bơngai gak 'măng jang wei-lăng gah lu hnam mong tơmam.

Ne 12:36

hăm 'nhŏng oh sư, Sêmaia, Asarel, Milalai, Gilalai, Mai, Nêthanêl, Juđa păng Hanani, chĕp reh brŏ hơri Đawit, bơngai Kră Yang 'Bok Kei-Dei păng Esơra, bơngai chih hla bơar, nơnăm adrol kơ lu sư.

Luka 1:5

Kơplah pơtao Hêrôt pơgơ̆r dêh char Juđê sơ̆ đei minh 'nu 'bok soi anăn sư Sachari. Sư khŭl 'bok soi mă đe anăn khŭl Abia. Anăn akăn sư Êlisabet. Akăn sư ei kon sâu Arôn mă pơm 'bok soi tơm hmơm sơ̆.

Luka 1:8

Minh năr ei 'bok Sachari jang tơdrong 'Bok Kei-Dei tơ hnam akŭm 'Bok Kei-Dei tơm tơ Pơlei Jêrusalem yua kơ trŏ năr lu khŭl sư jang tơ noh.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.