II Ho 7:3 - Sơ̆p Hlabơar Nơ̆r 'Bok Kei-Dei

³ Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

II Ho 7:3 ပူးပေါင်းရင်းမြစ်များ

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

I Ho 16:34

Bơnê bĕ kơ Kră Yang, yua kơ Sư pơm 'lơ̆ng. Tơdrong Sư 'mêm mơnat oei ling-lang khŏm khŏm!

I Ho 16:41

Hơdai hăm lu sư đei Hêman hăm Jêđuthun păng lu bơngai nai mă đei rơih hăm 'măn lu sư jang kơkuh bơnê kơ Kră Yang “kơ tơdrong sư 'mêm mơnat oei oei ling-lang khŏm khŏm.”

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

II Ho 20:18

Jêhôsaphat kŭp kơ̆l drap tơ teh; đĭ-đăng bơngai Juđa păng bơngai oei lăm pơlei Jêrusalem kư̆m kŭp kơ̆l drap tơ teh 'bơ̆t anăp Kră Yang păng kơkuh kơ Kră Yang.

II Ho 20:21

Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

II Ho 29:28

Đĭ-đăng kon pơlei drap kơkuh kơplah lu bơngai oei hơri, oei hlôm keng truh tơ pơyơ̆r tơmam soi keh đang.

II Ho 29:29

Wă đang kơ pơyơ̆r tơmam soi boih, pơtao păng đĭ-đăng lu bơngai oei hơdai pơtao kŭp kơ̆l drap kơkuh bơnê.

II Ho 29:30

Pơtao Hesekia păng lu yŏng pơgơ̆r athei bơngai Lêwi hat hơri bơnê kơ Kră Yang hăm nơ̆r hơri đơ̆ng Đawit păng Asap pơm, Asap, 'bok mă juăt kơ 'bôh adrol; lu sư hat hơri chơt hiôk kŭp kơ̆l kơkuh.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Horiso 100:5

Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh.

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 107:1

Bơnê bĕ kơ Kră Yang, yua kơ Sư pơm 'lơ̆ng; Tơdrong 'mêm Sư oei oei ling-lang.

Horiso 118:1

Bơnê bĕ kơ Kră Yang, Yua kơ Sư 'lơ̆ng; Tơdrong 'mêm Sư oei oei ling-lang.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Jo 14:5

Bre Môis păng Arôn drap bon tơ teh 'bơ̆t anăp kon pơlei Isơrael akŭm.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.