II Ho 7:22 - Sơ̆p Hlabơar Nơ̆r 'Bok Kei-Dei

²² Na đe tơl thoi âu: ‘Yua kơ lu sư achăng lê̆ Kră Yang 'Bok Kei-Dei 'bok yă lu sư, Tơ'ngla mă chông tơlĕch lu sư đơ̆ng dêh char Êyiptơ păng yua kơ lu sư kiơ̆ yang nai, kơkuh păng jang ăn kơ lu yang noh, lei na Kră Yang ăn tơdrong truh răm 'nâu tơ lu sư.’ ”

II Ho 7:22 ပူးပေါင်းရင်းမြစ်များ

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Je 1:16

Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Êsêkiên 14:23

Lu sư gô pơlung ih, ih gô 'bôh tôm tơdrong arih sa lu sư, ih gô băt tôm tơdrong Inh hlôi pơm hăm lu sư ưh kơ sĭ tơdrong kơđei ôh mă Inh đei pơm boih hăm lu sư. Kră Yang Tih Hloh khan thoi noh.”

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.