II Ho 7:21 - Sơ̆p Hlabơar Nơ̆r 'Bok Kei-Dei

²¹ Hnam 'nâu mă khan kơjung rŏ dang yơ, dah đei bu yak rok noh 'bôh hlĭch na jet! “Yua kơ kiơ Kră Yang pơm kơ char 'nâu păng hnam 'nâu thoi noh?”

II Ho 7:21 ပူးပေါင်းရင်းမြစ်များ

II Ho 29:8

Thoi ei na Kră Yang hil mĭl kơ lu bơngai Juđa păng kon pơlei Jêrusalem, Sư pơm ăn kơ đe hli tơrơ păng ăn kơ đe hiĕk ăr, thoi lu iĕm đei 'bôh tơm măt boih.

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 22:28

Hăm trŏ Jêhôiachin jing bô̆i teh pơchah boih, mă đe areh? Minh pôm bô̆i teh ưh kơ đei bu wă? Liơ sư hăm lu adrĕch adrung sư đe klơ̆m hŭt lê̆ ataih, tơ char mă lu sư ưh kơ băt?

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Je 49:17

Pơlei Eđôm gô jing rơ̆m rĕk; rim 'nu yak trong 'nâu tă kơ jăng krưp. Yua kơ 'bôh tơdrong truh tih krưp tơpă.

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.